പത്തനംതിട്ട: വർഷങ്ങളായി അപകടാവസ്ഥയിലും ശോചനീയ സ്ഥിതിയിലും പ്രവർത്തിച്ചുവന്ന മൂഴിയാർ പൊലീസ് സ്റ്റേഷൻ പുതിയ കെട്ടിടത്തിൽ പ്രവർത്തനം തുടങ്ങി. നിലവിൽ കൊച്ചാണ്ടി ജംഗ്ഷനിലെ ഇടിഞ്ഞു വീഴാറായ വാടകക്കെട്ടിടത്തിൽ നിന്ന് ആങ്ങമൂഴി ജംഗ്ഷനിലെ പുതിയ വാടകകെട്ടിടത്തിലേക്കാണ് മാറിയത്. പുതിയ സ്റ്റേഷന്റെ ഉദ്ഘാടനം ജില്ലാ പൊലീസ് മേധാവി ജി. ജയദേവ് നിർവഹിച്ചു. അഡീഷണൽ പൊലീസ് സൂപ്രണ്ട് എസ്. ശിവപ്രസാദ്, സീതത്തോട് ഗ്രാമപഞ്ചായത്ത് അംഗങ്ങളായ ബീനാ മോഹൻ, ലേഖാ സുരേഷ് , ശ്രിതാ ഷിബു, മൂഴിയാർ പൊലീസ് ഇൻസ്‌​പെക്ടർ വി.എസ് ബിജു, സ്റ്റേഷൻ റൈറ്റർ ജിജു ജോൺ തുടങ്ങിയവർ പങ്കെടുത്തു. സ്റ്റേഷൻ എസ്.എച്ച്.ഒ ആയി വി.എസ്.ബിജു, സബ് ഇൻ​സ്‌​പെക്ടർ രഞ്ജിത് കുമാർ എന്നിവർ ചുമതലയേറ്റു.