ചിറ്റാർ : കേരളാ ശാസ്ത്രസാഹിത്യ പരിഷത്ത് റാന്നി മേഖലയുടെ ആഭിമുഖ്യത്തിൽ കട്ടച്ചിറ ഗവ.ട്രൈബൽ ഹൈസ്‌കൂളിൽ ശാസ്ത്രജാലകം 2019 സംഘടിപ്പിച്ചു. പത്താംതരം ഊർജതന്ത്ര പാഠഭാഗത്തിലെ വൈദ്യുത ഉല്പാദനവും വിതരണവും സംബന്ധിച്ച് റാന്നി മേഖലാ പ്രസിഡന്റ് ടി.ജെ.ബാബുരാജു ക്ലാസ് നയിച്ചു. സ്‌കൂൾ ഹെഡ്മാസ്റ്റർ സി.കെ. ആത്മാറാം അദ്ധ്യക്ഷനായിരുന്നു. പ്രേംജിത്ത് ലാൽ, ബിന്ദു ഏബ്രഹാം, അനീഷ്.കെ, ജെഫിൻ, റോബിച്ചൻ, ലിജോ ദാനിയൽ എന്നിവർ നേതൃത്വം നൽകി.