കൊ​ടുമൺ: ഗ​താ​ഗ​ത നി​യ​മ​ങ്ങ​ളെ​പ്പ​റ്റി​യു​ള്ള അ​വ​ബോ​ധ​മില്ലാ​യ്​മ​യാ​ണ് വ​ർ​ദ്ധി​ച്ചു​വ​രുന്ന റോ​ഡ് അ​പ​ക​ട​ങ്ങൾ​ക്ക് കാ​ര​ണ​മെ​ന്ന് അ​ടൂർ ഡി​വൈ.എ​സ്.പി. ജവ​ഹർ ജ​നാർ​ദ്ദ് പ​റഞ്ഞു. കേ​ര​ള​കൗ​മു​ദി നേ​തൃ​ത്വത്തിൽ അടൂർ എ​സ്.എൻ ഐ​ടി​യിൽ സം​ഘ​ടി​പ്പിച്ച റോ​ഡ് സുര​ക്ഷാ സെ​മിനാർ ഉ​ദ്​ഘാട​നം ചെ​യ്യു​ക​യാ​യി​രു​ന്നു അ​ദ്ദേഹം. ഒ​രു റോ​ഡ് സം​സ്​കാ​രം മ​ല​യാ​ളി​കൾ​ക്ക് ഉ​ണ്ടാക​ണം, ഇ​ത് ഇല്ലാ​ത്ത​താ​ണ് ഇ​ത്രയും ആ​ളു​കൾ റോഡിൽ പൊ​ലി​ഞ്ഞു വീഴാൻ കാ​ര​ണ​മാ​കു​ന്നത്. ജീ​വൻ വി​ല​പ്പെ​ട്ട​താ​ണ് അ​ത് ചെ​റു​പ്രാ​യത്തിൽ ന​ഷ്ട​മാ​കാൻ ഇ​ട​യാ​ക​രുത്. മര​ണം മാ​ത്രമല്ല, കൈ​കാ​ലു​കൾ ന​ഷ്ട​മാ​യി കി​ട​ക്കയിൽ ക​ഴി​യു​ന്ന എത്രയോ ആ​ളു​ക​ളാ​ണ്. കേ​ര​ള​ത്തി​ലെ റോ​ഡു​കൾ മ​ര​ണ കി​ട​ക്ക​ക​ളാ​ണെ​ന്ന് വേ​ണ​മെങ്കിൽ പ​റ​യാം. ര​ക്തം വീ​ണ് ന​മ്മു​ടെ റോ​ഡു​കൾ​ക്ക് ചുവ​പ്പ് നി​റ​മാ​യി​ട്ടുണ്ട്. മാ​താ​പി​താ​ക്കൾ വലി​യ പ്ര​തീ​ക്ഷ​യോ​ടെ വ​ള​ർ​ത്തു​ന്ന കു​ട്ടി​കൾ റോ​ഡ​പ​ക​ട​ങ്ങ​ളി​ലൂ​ടെ അവ​രെ ക​ണ്ണീ​രി​ലേ​ക്ക് ത​ള്ളി​വി​ടു​ന്നു. അ​ശ്ര​ദ്ധ​യോ​ടെ അ​ല​ക്ഷ്യ​മാ​യി വാഹനം ഓ​ടി​ക്കു​ന്ന​താ​ണ് അ​പ​ക​ട​ത്തിൽ​പ്പെ​ടു​ന്ന​തി​ന് കാ​രണം. ഗ​താ​ഗ​ത​നിയ​മം കർ​ശ​ന​മാ​യി ന​ട​പ്പാക്കു​ക ത​ന്നെ വേണം. ഗ​താ​ഗ​ത നിയ​മം ലം​ഘി​ക്കു​ന്ന​വർ​ക്ക് പി​ഴ ശി​ക്ഷ​മാ​ത്ര​മല്ല ജയിൽ ശി​ക്ഷയും ല​ഭി​ക്കും. മ​ന​പൂ​ർ​വ്വം ഉ​ണ്ടാ​കു​ന്ന അ​പ​ക​ട​ങ്ങളിൽ മ​ര​ണ​പ്പെട്ടാൽ അതു​കൊ​ല​പാത​കം ത​ന്നെ​യാണ്. മ​ദ്യ​പി​ച്ച് വാഹനം ഓ​ടി​ച്ച് ജീ​വൻ അ​പ​ക​ട​ത്തി​ലാ​ക്കി​യാൽ 10 വർ​ഷം ജയിൽ ശി​ക്ഷ ല​ഭി​ക്കാം. അ​ടൂരിൽ അ​ടു​ത്തി​ടെ ദ​മ്പ​തി​കൾ മ​രി​ച്ച അപ​ക​ട കേസിൽ പൊ​ലീ​സ് ഇ​പ്ര​കാ​ര​മാ​ണ് കേ​സ് ര​ജി​സ്റ്റ​ർ ചെ​യ്​തി​ട്ടു​ള്ളത്. ശി​ക്ഷ വർ​ദ്ധി​പ്പി​ച്ചിട്ടും അ​ടൂ​രിൽ മ​ദ്യ​പി​ച്ച് വാഹനം ഓ​ടി​ക്കു​ന്ന എൺ​പ​തോ​ളം ആ​ളു​കൾ പ്ര​തി​മാ​സം പി​ടി​ക്ക​പ്പെ​ടു​ന്നു​ണ്ട്. 30-35 പേ​രു​ടെ ഡ്രൈ​വിം​ഗ് ലൈ​സൻ​സ് റ​ദ്ദാ​ക്കു​ന്നുണ്ട്. അടൂർ സ​ബ് ഡി​വി​ഷൻ ഏ​രി​യായിൽ ഇ​ത്ത​രം 200 കേ​സു​കൾ വ​രെ​യുണ്ട്. വർ​ദ്ധി​ച്ചു​വ​രു​ന്ന വാ​ഹ​നാ​പ​കട​ങ്ങൾ കു​റ​യ്ക്കാൻ കൂട്ടാ​യ ശ്ര​മവും ബോ​ധ​വ​ത്​ക​ര​ണവും ആ​വ​ശ്യ​മാ​ണെ​ന്ന് അ​ദ്ദേ​ഹം പ​റഞ്ഞു.
അ​ടൂ​ർ ജോ​യിന്റ് ആ​ർ.ടി.ഒ സി. ശ്യാം ക്ലാ​സ് ന​യിച്ചു. സ്‌കൂൾ മാ​നേ​ജർ കെ. ഉദ​യൻ അ​ദ്ധ്യ​ക്ഷ​നാ​യി​രുന്നു. കേ​ര​ള​കൗ​മു​ദി യൂ​ണി​റ്റ് ചീ​ഫ് സാം ചെ​മ്പ​ക​ത്തിൽ, ശാഖാ​ പ്ര​സി​ഡന്റ് ആർ. ജി​തേ​ഷ് കു​മാർ, പി.ടി.എ പ്ര​സി​ഡന്റ് കെ. കെ. അ​ശോ​ക് കു​മാർ, കേ​ര​ള​കൗ​മു​ദി പ്ര​തി​നി​ധി സി.വി. ച​ന്ദ്രൻ, ഹ​യർ സെ​ക്കൻഡ​റി വി​ഭാ​ഗം പ്രിൻ​സിപ്പൽ എം.എൻ. പ്ര​കാശ്, വി.എ​ച്ച്.എ​സ്.സി പ്രിൻ​സിപ്പൽ ര​മാ​ദേവി, സ്‌കൂൾ ഹെ​ഡ്​മി​സ്​ട്ര​സ് ദ​യാ​രാ​ജ്, സ്റ്റാ​ഫ് സെ​ക്രട്ട​റി ബെൻ​സി ജോൺ, അദ്ധ്യാപകരായ എസ്.സജിത, എൻ.റാണി, എ.ജീന, ആർ.മണികണ്ഠൻ, എൻ. സുനീഷ്, എസ്.പി.സി കേഡറ്റ് പൂർണിമ അനിൽ എ​ന്നി​വർ പ്ര​സം​ഗിച്ചു.