ആലപ്പുഴ: അമ്പലപ്പുഴ പാൽപ്പായസം 'ഗോപാല കഷായം' എന്നാക്കിയപോലെ തിരുവിതാംകൂർ ദേവസ്വം ബോർഡിലെ ഈ ഭരണസമിതി ഇറങ്ങും മുമ്പ് അമ്പലപ്പുഴ ഉണ്ണിക്കണ്ണനെ ഉണ്ണിക്കണ്ണൻ വൈദ്യരെന്ന് പേരുമാറ്റി വിളിക്കാനും മടിക്കില്ലെന്ന് മുൻ ദേവസ്വം ബോർഡ് പ്രസിഡന്റ് പ്രയാർ ഗോപാലകൃഷ്ണന്റെ വിമർശനം. ക്ഷേ​ത്രാ​ചാ​ര​ങ്ങ​ളു​ടെ​ ​പൗ​രാ​ണി​ക​ത​യും​ ​വി​ശു​ദ്ധി​യും​ ​വി​ശ്വാ​സ​വും​ ​ചോ​ദ്യം​ ​ചെ​യ്യ​പ്പെ​ടു​ന്ന​ത് ​അം​ഗീ​ക​രി​ക്കാ​നാ​കി​ല്ല.​ ​ശ​ബ​രി​മ​ല​ ​ക്ഷേ​ത്ര​ത്തെ​ ​ശ്രീ​ ​അ​യ്യ​പ്പ​ ​ക്ഷേ​ത്ര​മെ​ന്ന് ​പു​ന​ർ​നാ​മ​ക​ര​ണം​ ​ചെ​യ്‌​ത​പ്പോ​ൾ​ ​പ്ര​തി​ഷേ​ധി​ച്ച​വ​രാ​ണ് ​വി​ശ്വാ​സി​ക​ളെ​ ​വീ​ണ്ടും​ ​വെ​ല്ലു​വി​ളി​ക്കു​ന്ന​ത്.​ ​ അമ്പലപ്പുഴ പാൽപ്പായസത്തിന്റെ പേരുമാറ്റം ഉൾപ്പെടെയുള്ള കാര്യങ്ങളെക്കുറിച്ച് പ്രയാർ ഗോപാലകൃഷ്ണൻ 'ഫ്ളാഷി'നോട് സംസാരിക്കുന്നു:

ആധികാരിക രേഖകളിലില്ല

അമ്പലപ്പുഴ പാൽപ്പായസവുമായി ബന്ധപ്പെട്ട രേഖകളിലൊന്നും ഗോപാല കഷായം എന്ന നാമകരണം ഇല്ല. പൗരാണിക ചരിത്രത്തിലധിഷ്ഠിതമായ ഉച്ചനിവേദ്യമാണ് അമ്പലപ്പുഴ പാൽപ്പായസം. അമ്പലപ്പുഴ എന്ന് കേൾക്കുമ്പോൾ തന്നെ ആദ്യം മനസിലെത്തുക അമ്പലപ്പുഴ പാൽപ്പായസമാണ്. അല്ലാതെ ഗോപാല കഷായമല്ല. ദേവസ്വം ബോർഡ് പ്രസിഡന്റിന്റെ ബോധപൂർവമായ പ്രഖ്യാപനത്തെ ഭക്തർ അതിന്റേതായ ഗൗരവത്തോടെ തള്ളിക്കളയും. ബോർഡിന്റെ ആധികാരിക രേഖകളിൽ പോലും ഗോപാല കഷായം എന്ന് പരാമർശിച്ചിട്ടില്ല.

ഇപ്പോഴത്തെ പ്രസിഡന്റ് നേരത്തെയും വിവാദ പരാമർശം നടത്തിയിട്ടുണ്ട്. അയ്യപ്പന്റെ ഉറക്കുപാട്ടായ ഹരിവരാസനം പ്രസിഡന്റിന്റെ മുത്തശ്ശി എഴുതിയതെന്നായിരുന്നു പ്രചാരണം. മറ്റാരോ ആണ് എഴുതിയതെന്ന് ചില ആൾക്കാർ നടത്തിയ അന്വേഷണത്തിൽ കണ്ടെത്തിയതായി പറയുന്നു. ഹരിവരാസനം ഭക്തരുടെ ഹൃദയത്തിൽ അവിസ്മരണീയ സ്ഥാനം നേടിയ പ്രാർത്ഥനയാണ്.

20 രൂപയുടെ വികസനം പോലുമില്ല

ശബരിമലയിൽ 20 രൂപയുടെ വികസനം പോലും നടത്താൻ, പടിയിറങ്ങുന്ന ദേവസ്വം ഭരണസമിതിക്ക് കഴിഞ്ഞിട്ടില്ല. ഇടത് സർക്കാർ 280 കോടിയുടെ വികസന പ്രവർത്തനങ്ങളുടെ പദ്ധതി തയാറാക്കിയതായി അവകാശപ്പെടുന്നു. നിയമസഭയിൽ അവതരിപ്പിച്ച ബഡ്ജറ്റിൽ 100 കോടി രൂപ വകയിരുത്തിയതായി രേഖയിലുണ്ട്. 20 കോടി ഉടൻ നൽകുമെന്ന് ധനമന്ത്രി നിയമസഭയിൽ പ്രഖ്യാപിച്ചു. 20 രൂപാപോലും കൊടുത്തിട്ടില്ല. പിന്നെന്ത് വികസനമാണ് നടത്തിയത്.

മണ്ഡലകാല ഒരുക്കങ്ങളും തുടങ്ങിയില്ല

മണ്ഡലകാലത്തിന് ഇനി പത്തുനാൾ മാത്രമാണ് ശേഷിക്കുന്നത്. ഇപ്പോഴും യാതൊരു മുന്നൊരുക്കങ്ങളും നടത്തിയിട്ടില്ല. കഴിഞ്ഞ പ്രളയകാലത്തുണ്ടായ സംഭവങ്ങളുടെ പശ്ചാത്തലത്തിൽ ഭക്തരുടെ സുരക്ഷാ ക്രമീകരണങ്ങൾക്കുപോലും മുൻതൂക്കം നൽകിയിട്ടില്ല. പമ്പയിലെ ലേലം പോയ കടകൾക്കുണ്ടായ നാശനഷ്ടവും പരിഹരിച്ചിട്ടില്ല.​ ​മ​ഹാ​പ്ര​ള​യ​ത്തി​ന്​ ​പി​ന്നാ​ലെ​ ​പ്ര​ഖ്യാ​പി​ച്ച​ ​പ​ല​ ​പ​ദ്ധ​തി​ക​ളും​ ​മ​ല​ ​ച​വി​ട്ടി​ത്തു​ട​ങ്ങി​യി​ട്ട്​ ​പോ​ലു​മി​ല്ല.​ ​ശ​ബ​രി​മ​ല​ ​പാ​ത​യി​ൽ​ ​പ​ത്ത​നം​തി​ട്ട​ ​മ​ണ്ണാ​ര​ക്കു​ള​ഞ്ഞി​ ​മു​ത​ൽ​ ​റോ​ഡ് ​ത​ക​ർ​ന്നു​ ​കി​ട​ക്കു​ന്നു.​ ​പ്ളാ​പ്പ​ള്ളി​ക്ക​ടു​ത്ത് ​റോ​ഡി​ന്റെ​ ​പ​കു​തി​യോ​ളം​ ​മ​ഴ​യി​ൽ​ ​ഇ​ടി​ഞ്ഞു​വീ​ണു.​ ​ഇൗ​ ​ഭാ​ഗ​ത്തെ​ ​മ​ണ്ണു​ ​നീ​ക്കി,​ 20​ ​അ​ടി​ ​താ​ഴ്ച​യി​ൽ​ ​നി​ന്ന് ​പാ​റ​യ​ടു​ക്കി​ ​കെ​ട്ടു​ന്ന​ ​ജോ​ലി​ക​ൾ​ ​തു​ട​ങ്ങി​യ​തേ​യു​ള്ളു.

നി​ല​യ്ക്ക​ൽ, ശ​ബ​രി​മ​ല​ ബേ​സ് ​ക്യാ​മ്പാക്കുമെന്ന് പ്രഖ്യാപിച്ചെങ്കിലും ര​ണ്ടാ​യി​ര​ത്തോ​ളം​ ​റ​ബ​ർ​ ​മ​ര​ങ്ങ​ൾ​ ​മു​റി​ച്ചു​വി​റ്റു.​ ​ദേ​വ​സ്വം​ ​ബോ​ർ​ഡി​ന് 45​ ​ല​ക്ഷ​ത്തോ​ളം​ ​രൂ​പ​ ​ല​ഭി​ച്ചു. എന്നാൽ,​ ​താ​മ​സ​ത്തി​ന് ​നി​ർ​മ്മാ​ണ​ങ്ങ​ളൊ​ന്നും​ ​ന​ട​ന്നി​ല്ല. കു​ടി​വെ​ള്ള​ ​പ​ദ്ധ​തി​ക്ക് ​ടെ​ൻ​ഡ​റാ​യ​തും ​ക​ഴി​ഞ്ഞ​ ​ദി​വ​സമാണ്. സം​ര​ക്ഷ​ണ​ഭി​ത്തി​ ​നി​ർ​മ്മിക്കാത്തതിനാൽ പമ്പ ഹി​ൽ​ടോ​പ്പി​ൽ​ ​മ​ണ്ണി​ടി​ച്ചി​ൽ​ ​ഭീ​ഷ​ണിയുണ്ട്. ​പ്ര​ള​യ​ശേ​ഷം​ ​താ​ത്കാ​ലി​ക​ ​സം​ര​ക്ഷ​ണ​ത്തി​ന് ​പ്ളാ​സ്റ്റി​ക് ​ചാ​ക്കു​ക​ൾ​ ​അ​ടു​ക്കി​യ​ത് ​ന​ദി​യി​ലേ​ക്ക് ​ഇ​ടി​ഞ്ഞു​വീ​ണു. പു​തി​യ​ ​പാ​ല​ത്തി​നു​ള്ള​ ​പ​ഠ​നം​ ​പൂ​ർ​ത്തി​യാ​യില്ല. ​കെ​ട്ടി​ട​ ​അ​വ​ശി​ഷ്ട​ങ്ങ​ൾ​ ​നീ​ക്കു​ന്ന​ ​ജോ​ലി​ ​ആ​രം​ഭി​ച്ച​തേ​യു​ള്ളൂ.

യുവതീ പ്രവേശനവുമായി ബന്ധപ്പെട്ടുടലെടുത്ത പ്രശ്നങ്ങൾ ശബരിമലയിലെ കാണിക്ക വരവിനെയും ബാധിച്ചു. ശ​ബ​രി​മ​ല​ ​വി​ക​സ​ന​ത്തി​ന് 1,280​ ​കോ​ടി​ ​ചെ​ല​വ​ഴി​ച്ചെ​ന്ന് ​പ​റ​യു​ന്ന​ ​സ​ർ​ക്കാ​ർ​ ​ഏ​ത് ​രീ​തി​യി​ൽ​ ​ചെ​ല​വ​ഴി​ച്ചെ​ന്ന് ​വ്യ​ക്ത​മാ​ക്ക​ണം.​ ​ബോർഡിന്റെ ഇപ്പോഴത്തെ സാമ്പത്തിക സ്ഥിതിയും മറ്റും വിവരങ്ങളും ഭക്തർക്കും ജനങ്ങൾക്കും അറിയാൻ താത്പര്യമുണ്ട്. ധവളപത്രം ഇറക്കാൻ ബോർഡും സർക്കാറും തയാറാകണം.