ചാത്തന്നൂർ: ചിറക്കര ഗ്രാമപഞ്ചായത്ത് കേരളോത്സവം ചിറക്കര ഗവ. ഹൈസ്കൂൾ ഗ്രൗണ്ടിൽ പഞ്ചായത്ത് പ്രസിഡന്റ് ടി.ആർ. ദീപു ഉദ്ഘാടനം ചെയ്തു. വൈസ് പ്രസിഡന്റ് ബിന്ദു സുനിൽ അദ്ധ്യക്ഷത വഹിച്ചു. വികസന സ്റ്റാൻഡിംഗ് കമ്മിറ്റി ചെയർമാൻ മധുസൂദനൻപിള്ള ഫുട്ബാൾ മത്സരത്തിന്റെ കിക്കോഫ് നിർവഹിച്ചു.

പഞ്ചായത്ത് അംഗങ്ങളായ സുശീലാ ദേവി, രജിതാ രാജേന്ദ്രൻ, ഓമന ടീച്ചർ, റീജ, സിന്ധുമോൾ, പഞ്ചായത്ത് സെക്രട്ടറി കെ.പി. അനിലകുമാരി, അസിസ്റ്റന്റ് സെക്രട്ടറി രാജേഷ്, യുവജന ക്ഷേമ ബോർഡ് യൂത്ത് കോ ഓർഡിനേറ്റർ പി. മനു, ഫുട്ബാൾ മത്സര കോ ഓർഡിനേറ്റർ ഗിരീഷ്, മുൻ പഞ്ചായത്ത് അംഗം സുദർശനൻപിള്ള തുടങ്ങിയവർ പങ്കെടുത്തു. ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ ഉല്ലാസ് കൃഷ്ണൻ സ്വാഗതം പറഞ്ഞു.

പഞ്ചായത്തിലെ വിവിധ കേന്ദ്രങ്ങളിലായി നടക്കുന്ന കേരളോത്സവത്തിന്റെ സമാപനസമ്മേളനം 10ന് വൈകിട്ട് 5.30ന് ഇത്തിക്കര ബ്ളോക്ക് പഞ്ചായത്ത് പ്രസിഡന്റ് എസ്. ലൈല ഉദ്ഘാടനം ചെയ്യും. ചിറക്കര ഗ്രാമപഞ്ചായത്ത് പ്രസിഡന്റ് ടി.ആർ. ദീപു അദ്ധ്യക്ഷത വഹിക്കും. സമ്മാനദാനവും വിശിഷ്ട വ്യക്തികളെ ആദരിക്കലും ചടങ്ങിൽ നടക്കും.