കരുനാഗപ്പള്ളി: ശ്രീനാരായണ ഗുരുധർമ്മ പ്രചാരണ സഭ കരുനാഗപ്പള്ളി മണ്ഡലം കമ്മിറ്റിയുടെ നേതൃത്വത്തിൽ ആർ. ശങ്കർ അനുസ്മണം നടന്നു. ടി.കെ. കുമാരൻ സ്മാരക ഗുരുധർമ്മ പ്രാർത്ഥനാലയത്തിൽ സംഘടിപ്പിച്ച സമ്മേളനം യൂത്ത് കോൺഗ്രസ് സംസ്ഥാന വൈസ് പ്രസിഡന്റ് സി.ആർ. മഹേഷ് ഉദ്ഘാടനം ചെയ്തു. മണ്ഡലം പ്രസിഡന്റ് സൗത്ത് ഇന്ത്യൻ വിനോദ് അദ്ധ്യക്ഷത വഹിച്ചു.
മാതൃവേദി മണ്ഡലം പ്രസിഡന്റ് ലേഖാ ബാബു ചന്ദ്രൻ, ജില്ലാ കമ്മിറ്റി അംഗം ടി.കെ. സുധാകരൻ എന്നിവർ മുഖ്യ പ്രഭാഷണം നടത്തി. നഗരസഭാ കൗൺസിലർ എം.കെ. വിജയഭാനു, മാതൃവേദി മണ്ഡലം വൈസ് പ്രസിഡന്റ് ശാന്താ ചക്രപാണി, മാതൃവേദി മണ്ഡലം സെക്രട്ടറി എം. വാസന്തി, ഗുരുധർമ്മ പ്രചാരണ സഭ കേന്ദ്ര കമ്മിറ്റി അംഗം ബി.എൻ. കനകൻ, കമ്മിറ്റി അംഗം തയ്യിൽ തുളസി, മാതൃവേദി ട്രഷറർ അമ്പിളി രാജേന്ദ്രൻ എന്നിവർ അനുസ്മരണ പ്രഭാഷണം നടത്തി. സെക്രട്ടറി ആർ. ഹരീഷ് സ്വാഗതവും ജോയിന്റ് സെക്രട്ടറി വി. ചന്ദ്രാക്ഷൻ നന്ദിയും പറഞ്ഞു.