കൊട്ടാരക്കര: കുവൈറ്റിലുണ്ടായ വാഹനാപകടത്തിൽ കൊട്ടാരക്കര സ്വദേശിയായ നേഴ്സ് മരിച്ചു. നെല്ലിക്കുന്നം നെട്ടാറ വീട്ടിൽ ബിജു സാമുവലിന്റെ ഭാര്യ മേഴ്സി ബിജുവാണ് കഴിഞ്ഞ ഒമ്പതിന് രാത്രി കുവൈറ്റ് നാല്പതാംനമ്പർ റോഡിൽ വച്ചുണ്ടായ അപകടത്തിൽ മരിച്ചത്. കെ. ഒ. സി ഹോസ്പിറ്റലിൽ ജി. ടി. സി എന്ന കമ്പനിയുടെ കരാർ ജോലി ചെയ്യുകയായിരുന്നു മേഴ്സി. ജോലിക്കായി ഹോസ്പിറ്റലിലേക്ക് പോകുന്ന വഴിയാണ് അപകടമുണ്ടായത്. അദാൻ ഹോസ്പിറ്റൽ, കെ. ഒ. സി ഹോസ്പിറ്റൽ, അഹമ്മദി എന്നിവിടങ്ങളിലേക്ക് സർവീസ് നടത്തുന്ന അലൻ ട്രാൻസ്പോർട്ടിന്റെ വാഹനമാണ് അപകടത്തിൽപ്പെട്ടത്. വാഹനത്തിൽ ഒപ്പമുണ്ടായിരുന്ന പരിക്കേറ്റ മറ്റ് നഴ്സുമാരെ അദാൻ ആശുപത്രിയിൽ പ്രവേശിപ്പിച്ചു. ബെറ്റിയാണ് മേഴ്സിയുടെ ഏകമകൾ.