കൊട്ടിയം: ആയുർവേദ മെഡിസിനിൽ പ്രൊഫസർമാരായ ഡോക്ടർ ദമ്പതികൾക്ക് ഡോക്ടറേറ്റ് ലഭിച്ചു.പുത്തൂർ ശ്രീ നാരായണാ ഇൻസ്റ്റിറ്റ്യൂട്ട് ഓഫ് ആയുർവേദിക് സ്റ്റഡീസ് ആന്റ് റിസർച്ചിലെ പ്രൊഫസർമാരായ കൊല്ലം അയത്തിൽ കൽപ്പനയിൽ വിദ്യാധരന്റെയും രമാദേവിയുടെയും മകൻ ഡോ.കെ.വി.പ്രദീപ്, ഭാര്യ തിരുവനന്തപുരം വിദ്യാ വിഹാറിൽ ബി.എൻ.വിദ്യാധരന്റെയും കെ.എസ്.ലതികാദേവിയുടെയും മകൾ ഡോ.വി.എൽ.ഇന്ദു എന്നിവർക്കാണ് ഭുവനേശ്വർ ഉത്കൽ സർവകലാശാലയിൽ നിന്നും ആയുർവേദ മെഡിസിനിൽ പി.എച്ച് ഡി. ലഭിച്ചത്.