പുത്തൂർ: പാങ്ങോട്​ ശ്രീ നാരായണ ഇൻസ്റ്റിറ്റ്യൂട്ട്​ ഓഫ്​ ആയുർവേദിക്​ സ്റ്റഡീസ്​ ആൻഡ് റിസർച്ച്​ സെന്ററിലെ ബി.എ.എം.എസ്​ വിദ്യാർത്ഥിനി ഡോ. എ.എസ്​.
അശ്വതി നായർ കേരള ആരോഗ്യ ശാസ്ത്ര സർവകലാശാല 2019 ഏപ്രിൽ നടത്തിയ പരീക്ഷയിൽ സംസ്ഥാനതലത്തിൽ രണ്ടാം റാങ്ക്​ നേടി.

കേരളത്തിലെ ഗവൺമെന്റ്​ ആയുർവേദ കോളേജുകൾ ഉൾപ്പെടെയുളള പതിനാറ്​
കോളേജുകളിലുമായി 2014 ബാച്ചിൽ പഠിച്ച ആയിരത്തിഇരുനൂറോളം വിദ്യാർത്ഥികളിൽ നിന്ന് എല്ലാ പരീക്ഷകളിലുമായി ഉയർന്ന മാർക്ക്​ വാങ്ങിയാണ്​ എ.എസ്​. അശ്വതി നായർ രണ്ടാം റാങ്ക് കരസ്ഥമാക്കിയത്​. യൂണിവേഴ്‌​സിറ്റി പരീക്ഷകളുടെ വിജയശതമാനത്തിൽ ശ്രീ നാരായണ ആയുർവേദ കോളേജിന്​ 72.5 വിജയശതമാനത്തോടെ അഞ്ചാം സ്ഥാനം കരസ്ഥമാക്കുവാനും കഴിഞ്ഞു. ദീർഘനാളായി അക്കാഡമിക്​ രംഗത്തും പഠ്യേതരപ്രവർത്തനങ്ങളിലും ശ്രീ നാരായണ ആയുർവേദ കോളേജ്​ പുലർത്തുന്ന ഉന്നത നിലവാരത്തിനും ലഭിച്ച ആംഗീകാരമാണ്​ ഈ അഭിമാനനേട്ടങ്ങളെന്ന്​ പ്രിൻസിപ്പൽ ഡോ എൻ.എസ്​.
അജയഘോഷ്​ അറിയിച്ചു.