ksrtc
കെ.എസ്.ആർ.ടി.സി പെൻഷണേഴ്സ് സ്നേഹസംഗമം ഡെപ്യൂട്ടി കളക്ടർ പി.ആർ. ഗോപാലകൃഷ്ണൻ ഉദ്ഘാടനം ചെയ്യുന്നു. ഡോ. ഷീബ അബു, ഒ. മജീദുകുട്ടി, ജി. ഗോപാലകൃഷ്ണപിള്ള, ഇ.എം. ഷാഫി, കെ.ജി. തുളസീധരൻ, പി. അപ്പുക്കുട്ടൻപിള്ള, കടവൂർ ബി. ശശിധരൻ, എം.എ. ബഷീർ എന്നിവർ സമീപം

കൊല്ലം: കെ.എസ്.ആർ.ടി.സി പെൻഷൻകാരുടെ സ്നേഹസംഗമം ഡെപ്യൂട്ടി കളക്ടർ പി.ആർ. ഗോപാലകൃഷ്ണൻ ഉദ്ഘാടനം ചെയ്തു. 'വാർദ്ധക്യകാലത്തെ രോഗസാധ്യതകളും പരിഹാര മാർഗങ്ങളും' എന്ന വിഷയത്തിൽ കെ.എസ്.ആർ.ടി.സി ജീവനക്കാരനായിരുന്ന എസ്. അബുവിന്റെ മകളും ഇരവിപുരം ഹെൽത്ത് സെന്ററിലെ ഡോക്ടറുമായ ഷീബ അബു ക്ളാസെടുത്തു. സ്നേഹസംഗമം ചെയർമാൻ ഇ.എം. ഷാഫി അദ്ധ്യക്ഷത വഹിച്ചു. കടവൂർ ബി. ശശിധരൻ സി.കെ.സി പ്രകാശ്, കെ. ശിവദാസൻ, എ. താജുദ്ദീൻ, ടി.സി. ഉണ്ണിക്കൃഷ്ണൻ, പി. ഗോപാലകൃഷ്ണൻ, പി. സജീവൻ, എൻ. സദാശിവൻപിള്ള, സി. ശശി എന്നിവർ സംസാരിച്ചു.

മുതിർന്ന പൗരന്മാരായ ജി. ഗോപാലകൃഷ്ണപിള്ള, എൻ. ജനാർദ്ദനൻ, തോമസ് രാജൻ, കെ. തുളസീധരൻ നായർ, എ. തോമസ്, പി. അപ്പുക്കുട്ടൻപിള്ള, എഡ്മണ്ട് ജോൺ, ധനപാലൻ, ഒ. മജീദ് കുട്ടി, സി.കെ. ധർമ്മപാലൻ എന്നിവരെ ചടങ്ങിൽ ആദരിച്ചു. സെക്രട്ടറി കെ.ജി. തുളസീധരൻ സ്വാഗതവും എം.എ. ബഷീർ നന്ദിയും പറഞ്ഞു.