പരവൂർ: സ്വകാര്യ മെഡിക്കൽ കോളേജുകളെ സഹായിക്കുന്നതിനായി ഇടത് സർക്കാർ സർക്കാർ ആശുപത്രികളുടെ വികസന പ്രവർത്തനങ്ങൾ അട്ടിമറിക്കുന്നതായി യൂത്ത്‌ കോൺഗ്രസ് സംസ്ഥാന വൈസ് പ്രസിഡന്റ് സി.ആർ. മഹേഷ് പറഞ്ഞു. നെടുങ്ങോലം റാമറാവു താലൂക്ക് ആശുപത്രിയുടെ ശോച്യാവസ്ഥ പരിഹരിക്കണമെന്നാവശ്യപ്പെട്ട് കോൺഗ്രസ് പരവൂർ നോർത്ത് കമ്മിറ്റിയുടെ നേതൃത്വത്തിൽ ആശുപത്രി കവാടത്തിൽ നടത്തിയ സായാഹ്ന ധർണ്ണ ഉദ്ഘാടനം ചെയ്യുകയായിരുന്നു മഹേഷ്.
മണ്ഡലം പ്രസിഡന്റ് പരവൂർ മോഹൻദാസ് അദ്ധ്യക്ഷത വഹിച്ചു. പരവൂർ സജീബ്, പരവൂർ രമണൻ, എ. ഷുഹൈബ്, ബിജു പാരിപ്പള്ളി, ബി. സുരേഷ്, എൻ. രഘു, സുരേഷ് ഉണ്ണിത്താൻ, വി. പ്രകാശ് സുജയ്, നെല്ലേറ്റിൽ ബാബു, ഷൈജു ബാലചന്ദ്രൻ, രഞ്ജിത്ത് പരവൂർ, സുലോചന ജയശങ്കർ, ദീപക്, ജയനാഥ് കെ. സുരേഷ് കുമാർ എന്നിവർ സംസാരിച്ചു.