കൊല്ലം: വൃദ്ധജനങ്ങളുടെ സംരക്ഷണം സമൂഹത്തിന്റെ ഉത്തരവാദിത്തമാണെന്ന് മന്ത്റി ജെ. മേഴ്സിക്കുട്ടിഅമ്മ പറഞ്ഞു. നിർദ്ധന വയോജനങ്ങളുടെ പുനരധിവാസത്തിന് കൊല്ലം കോർപ്പറേഷൻ ദേശീയ നഗര ഉപജീവന ദൗത്യത്തിന്റെ ഭാഗമായി നിർമ്മിച്ച 'തറവാട്' വൃദ്ധസദനത്തിന്റെ ഉദ്ഘാടനം നിർവഹിക്കുകയായിരുന്നു മന്ത്രി. സാമൂഹ്യ വിഷയങ്ങിലുള്ള നഗരസഭയുടെ കൃത്യമായ ഇടപെടലുകളാണ് ഇത്തരം സംരംഭങ്ങൾ. കൂട്ടുകുടുംബങ്ങളിൽ നിന്ന് അണുകുടുംബങ്ങളിലേക്ക് കേരള സംസ്‌കാരം പരിവർത്തനപ്പെട്ടതിന്റെ ബാക്കിപത്രങ്ങളാണ് വൃദ്ധസദനങ്ങളെന്നും മന്ത്റി പറഞ്ഞു.

മേയർ വി. രാജേന്ദ്രബാബു അദ്ധ്യക്ഷത വഹിച്ചു. എം. നൗഷാദ് എം.എൽ.എ, ഡെപ്യൂട്ടി മേയർ വിജയാ ഫ്രാൻസിസ്, ബി.ജെ.പി ജില്ലാ പ്രസിഡന്റ് ഗോപിനാഥ്, നഗരസഭാ സ്ഥിരം സമിതി അദ്ധ്യക്ഷരായ എം.എ. സത്താർ, എസ്. ഗീതാകുമാരി, പി.ജെ. രാജേന്ദ്രൻ, ചിന്ത എൽ. സജിത്, വി.എസ്. പ്രിയദർശനൻ, ഷീബ ആന്റണി, ​ടി.ആർ. സന്തോഷ് കുമാർ, ജില്ലാ സാമൂഹ്യനീതി ഓഫീസർ സുധീർ, സൂപ്രണ്ടിംഗ് എൻജിനിയർ പി. ജെ അജയകുമാർ, നഗരസഭാ കൗൺസിലർമാർ തുടങ്ങിയവർ സംസാരിച്ചു.