ഓ​യൂ​ർ: കോടതി ഉത്തരവുമായി വീട് ജപ്തി ചെയ്യാൻ എത്തിയ ബാങ്ക് അധികൃതർ വീട്ടമ്മയെയും മകളെയും വീടിനുള്ളിലാക്കി വാതിൽ മുദ്രവച്ച് പൂട്ടി സ്ഥലം വിട്ടു. തടിച്ചുകൂടിയ ജനക്കൂട്ടം പൂട്ടുതകർത്ത് വീട്ടമ്മയെയും മകളെയും മോചിപ്പിച്ചു. രോ​ഷാ​കു​ല​രാ​യ നാ​ട്ടു​കാർ പൂ​യ​പ്പ​ള്ളി​-​ക​ണ്ണ​ന​ല്ലൂർ റോ​ഡ് ഉ​പ​രോ​ധി​ക്കാൻ ശ്ര​മി​ച്ച​ത് സം​ഘർ​ഷം സൃ​ഷ്​ടി​ച്ചു. പൊ​ലീ​സ് ഇ​ട​പെ​ട്ട് ഉ​പ​രോ​ധ​ക്കാ​രെ പിൻ​തി​രി​പ്പി​ച്ചു.

പൂ​യ​പ്പ​ള്ളി സാ​മിൽ ജം​ഗ്​ഷ​ന് സ​മീ​പം ഷൈൻ കോട്ടേജിൽ തോ​മ​സ് മ​ത്താ​യി​യു​ടെ (ഷൈൻ) വീ​ടാ​ണ് ഇ​ന്ന​ലെ വൈ​കി​ട്ട് മൂന്നു മ​ണി​യോ​ടെ ജ​പ്​തി ചെ​യ്​ത​ത്. യൂ​കോ ​ ബാ​ങ്കി​ന്റെ കൊ​ല്ലം ശാ​ഖ​യിൽ​നി​ന്നും ഒ​ന്ന​ര കോ​ടി​യിൽ​പ്പ​രം രൂ​പ കി​ളി​ക്കൊ​ല്ലൂരിലെ കാ​ഷ്യു ഇൻ​ഡ​സ്​ട്രി ന​ട​ത്തി​പ്പു​കാ​ര​നാ​യ സി​നി​ലാൽ വാ​യ്​പ എ​ടു​ത്തി​രു​ന്നു. ഇ​തി​നാ​യി അടുത്ത സുഹൃത്തായ തോ​മ​സ് മ​ത്താ​യി വീ​ടും നാ​ല്പ​ത് സെന്റ് സ്ഥലവും ഈടായി നൽ​കി​യി​രു​ന്നു. തിരിച്ചടവ് മുടങ്ങിയതോടെ ബാ​ങ്ക് ജ​പ്​തി ന​ട​പടി​യി​ലേ​ക്ക് കടന്നു. ബാ​ങ്കി​ന്റെ ഹെ​ഡ് ഓ​ഫീ​സിൽ ഒ​റ്റ​ത്ത​വ​ണ തീർ​പ്പാ​ക്കൽ പ​ദ്ധ​തി​യി​ലേ​ക്ക് നൽകിയ അ​പേ​ക്ഷ പരിഗണനയിലിരിക്കേയാണ് ജപ്തി സ്വീകരിച്ചതെന്ന് തോ​മ​സ് മ​ത്താ​യി പ​റ​ഞ്ഞു.
ബാ​ങ്ക് അ​ധി​കൃ​ത​രും ക​മ്മി​ഷ​നും സ്ഥ​ല​ത്തെ​ത്തി​യ​പ്പോൾ വീ​ടി​ന്റെ ര​ണ്ട് വ​ശ​ത്തെ​യും ഗേ​റ്റു​കൾ പൂ​ട്ടി​യ നി​ല​യി​ലാ​യി​രു​ന്നു​വെ​ന്ന് പ​റ​യു​ന്നു. ഗേ​റ്റി​ന്റെ പൂ​ട്ട് പൊ​ളി​ച്ച് ജ​പ്​തി സം​ഘം കോ​മ്പൗ​ണ്ടിൽ ക​യ​റി വീ​ടി​ന്റെ വാ​തി​ലു​കൾ പൂ​ട്ടി സീൽ ചെ​യ്തു. ​ ര​ണ്ടു ഗേ​റ്റു​ക​ളും ജ​പ്​തി സം​ഘം സീൽ ചെ​യ്​തു. ജ​പ്​തി സ​മ​യ​ത്ത് തോ​മ​സി​ന്റെ ഭാ​ര്യ ശോ​ഭി​യും (45) ഇരുപത്തിരണ്ടു വയസുള്ള മകളും വീ​ടി​നു​ള്ളിൽ ഉ​റ​ങ്ങി​ക്കി​ട​ക്കു​ക​യാ​യി​രു​ന്നു. ഉ​റ​ക്ക​മു​ണർ​ന്ന​പ്പോ​ഴാ​ണ് വീ​ട് പു​റ​ത്തു​നി​ന്ന് പൂ​ട്ടി​യ​താ​യി അ​റി​യു​ന്ന​ത്. പു​റ​ത്തി​റ​ങ്ങാൻ ക​ഴി​യാ​തെ വീ​ടി​നു​ള്ളിൽ കു​ടുങ്ങി​യ വി​വ​രം അ​റി​യി​ച്ച​തി​നെ തു​ടർ​ന്ന് പ്ര​ദേ​ശ​വാ​സി​ക​ളും പൂ​യ​പ്പ​ള്ളി പൊ​ലീ​സും സ്ഥ​ല​ത്തെ​ത്തി. ബാ​ങ്ക് അ​ധി​കൃ​ത​രു​മാ​യി പൊ​ലീ​സ് ബ​ന്ധ​പ്പെ​ട്ടെ​ങ്കി​ലും അ​വർ സ്ഥ​ല​ത്തെ​ത്തി​യി​ല്ല. കോ​ട​തി ന​ട​പ​ടി​യാ​യ​തി​നാൽ ഇ​ട​പെ​ടാൻ ക​ഴി​യി​ല്ലെ​ന്ന് പൊലീസ് അ​റി​യി​ച്ചു. ഇതേതുടർന്നാണ് വൈ​കി​ട്ട് ആറു മ​ണി​യോ​ടെ ജ​ന​ക്കൂ​ട്ടം ഗേ​റ്റി​ന്റെ​യും വാ​തി​ലി​ന്റെ​യും പൂ​ട്ടു​കൾ ത​കർ​ത്ത് ഇ​രു​വ​രെ​യും പു​റ​ത്തെ​ത്തി​ച്ചത്. അ​വ​ശ​നി​ല​യി​ലാ​യ ഇ​രുവരെയും ആ​ശു​പ​ത്രി​യിൽ പ്ര​വേ​ശി​പ്പി​ച്ചു.