ഗുരുവായൂർ: ഗുരുപവനേശ്വര നൃത്തോത്സവത്തിന് ഗുരുവായൂർ തുടക്കം. മേൽപ്പത്തൂർ ഓഡിറ്റോറിയത്തിൽ നടന്ന ചടങ്ങിൽ പത്മ സുബ്രഹ്മണ്യം നൃത്തോത്സവം ഉദ്ഘാടനം ചെയ്തു. ദേവസ്വം ചെയർമാൻ കെ.ബി. മോഹൻദാസ് അദ്ധ്യക്ഷനായി. തുടർന്ന് രചന നാരായണൻകുട്ടിയുടെ നൃത്തം അരങ്ങേറി. പത്തു ദിവസം നീളുന്ന നൃത്തോത്സവത്തിൽ ദിവസവും രാത്രി ഏഴിനാണ് നൃത്തം അരങ്ങേറുക. നവിൻ നടരാജൻ, ദിവ്യ ഉണ്ണി, ലോപമുദ (ഒ.ഡി.സി), ഹരി, ചേതന (കഥക്), ദക്ഷിണ വൈദ്യനാഥൻ, റെഡ്ഡി ലക്ഷ്മി, ജ്യോത്സന ജഗന്നാഥൻ, മധുമിത മഹാപാത്ര, ലാവണ്യ ആനന്ദ്, ശ്വേത പ്രചണ്ഡ എന്നിവരാണ് വരും ദിവസങ്ങളിലായി നൃത്തോത്സവത്തിൽ പങ്കെടുക്കുന്നത്.