ചാവക്കാട്: നഗരസഭയുടെ 2019- 20 വർഷത്തെ ജനകീയാസൂത്രണ പദ്ധതിയായ വനിതകൾക്ക് ആടുഗ്രാമം പദ്ധതിയുടെ ഉദ്ഘാടനം ചാവക്കാട് മൃഗാശുപത്രിയിൽ നഗരസഭാ ചെയർമാൻ എൻ.കെ. അക്ബർ നിർവഹിച്ചു. വൈസ് ചെയർപേഴ്‌സൺ മഞ്ജുഷ സുരേഷ് അദ്ധ്യക്ഷനായി. പദ്ധതിയിൽ അംഗങ്ങളായ 32 ഗുണഭോക്താക്കൾക്ക് രണ്ട് പെണ്ണാടുകളെ വീതം വിതരണം ചെയ്തു. നഗരസഭാ സ്റ്റാൻഡിംഗ് കമ്മിറ്റി ചെയർമാൻമാരായ കെ.എച്ച്. സലാം, എ.എ. മഹേന്ദ്രൻ, എം.ബി. രാജലക്ഷ്മി, സഫൂറ ബക്കർ, നഗരസഭാ കൗൺസിലർമാരായ പി.ഐ. വിശ്വംഭരൻ, ശാന്ത, സൈസൻ മാറോക്കി എന്നിവർ സംസാരിച്ചു. ചാവക്കാട് മൃഗാശുപത്രി സീനിയർ വെറ്ററിനറി സർജൻ ഡോക്ടർ ഇ. രഞ്ജി ജോൺ, അസി. ഫീൽഡ് ഓഫീസർ സി.വി. മദനൻ, മൃഗാശുപത്രി ജീവനക്കാരായ ബാലൻ, അബ്ദുള്ള എന്നിവർ പരിപാടിക്ക് നേതൃത്വം നൽകി.