ഗുരുവായൂർ: അപര ബോധമില്ലാത്ത ആത്മീയത ശുഷ്‌കമാണെന്ന് ജസ്റ്റിസ് കുര്യൻ ജോസഫ്. പങ്കുചേരലിന്റെയും പങ്കെടുക്കുന്നതിന്റെയും പങ്കുവയ്ക്കലിന്റെയും സംസ്‌കാരം മലയാളിക്ക് നഷ്ടപ്പെടുകയാണെന്നും അദ്ദേഹം പറഞ്ഞു. കൂനംമൂച്ചി സത്സംഗ് സംഘടിപ്പിച്ച സമാദരണ സംഗമം ഉദ്ഘാടനം ചെയ്യുകയായിരുന്നു അദ്ദേഹം. പി.ജെ. സ്‌റ്റൈജു അദ്ധ്യക്ഷനായി. കേണൽ സി.ഐ. തോമസ് മുഖ്യാതിഥിയായി. വിവിധ മേഖലകളിലെ പ്രൊഫ. പി. നാരായണ മേനോൻ, ഡോ. ആർ. മോഹന വർമ, പി.ആർ.എൻ. നമ്പീശൻ, സിസ്റ്റർ അൽഫോൺസ് മരിയ, ടി.എൽ. കൊച്ചൗസേപ്പ്, സുൽഫത്ത് ബക്കർ, ലിജിത് തരകൻ, അഹമ്മദ് ഇബ്രാഹിം, എ.ഡി. ആന്റോ, സുനിൽ ചൂണ്ടൽ, ജോമി ജോൺസൻ, ഡൊമിനിക് കൂനമൂച്ചി, പി.എൻ. ആര്യാദേവി, അബ്രഹാം ലിങ്കൻ എന്നിവരെയാണ് ആദരിച്ചത്. അമ്പിളി പീറ്റർ, ടി.ജെ. വിജു എന്നിവർ സംസാരിച്ചു.