തിരുവനന്തപുരം: കേരളത്തിലെ നവോത്ഥാന നേതാക്കളിൽ പ്രമുഖനായ ഡോ. പി. പല്പുവിന്റെ 156-ാമത് ജന്മദിനാഘോഷവും പല്പു ഫൗണ്ടേഷൻ അവാർഡ് ദാനവും ഇന്ന് വൈകിട്ട് 4ന് പേട്ട എസ്.എൻ.ഡി.പി ഹാളിൽ നടക്കും. കേന്ദ്ര മന്ത്രി വി. മുരളീധരൻ ഉദ്ഘാടനം ചെയ്യും. മന്ത്രി കടകംപള്ളി സുരേന്ദ്രൻ അദ്ധ്യക്ഷത വഹിക്കും. അവാർഡ് ജേതാവായ മാതൃഭൂമി മാനേജിംഗ് എഡിറ്റർ പി.വി. ചന്ദ്രൻ കേന്ദ്ര മന്ത്രിയിൽ നിന്ന് പുരസ്കാരം ഏറ്റുവാങ്ങും. ഗോകുലം ഗോപാലൻ മുഖ്യപ്രഭാഷണം നടത്തും.കണ്ണൂർ സർവകലാശാല മുൻ വൈസ് ചാൻസലർ ഡോ. പി. ചന്ദ്രമോഹൻ അവാർഡിനെപ്പറ്റി സംസാരിക്കും. മുൻ എം.എൽ.എ ടി. ശരത്ചന്ദ്രപ്രസാദ്, ഡോ. വി.കെ. ജയകുമാർ, കൗൺസിലർ ഡി. അനിൽകുമാർ തുടങ്ങിയവർ സംസാരിക്കും. ഗീത അശോകൻ ഗുരുസ്മരണ നടത്തും. അമ്പലത്തറ ചന്ദ്രബാബു സ്വാഗതവും പി.കെ. വിദ്യാധരൻ നന്ദിയും പറയും.
കേരളകൗമുദി ഡയറക്ടർ ഷൈലജ രവി ചെയർപേഴ്‌സണായ അവാർഡ് കമ്മിറ്റിയാണ് പി.വി. ചന്ദ്രനെ തിരഞ്ഞെടുത്തത്. 50,000 രൂപയും പ്രശസ്തിപത്രവും ശില്പവും അടങ്ങുന്നതാണ് അവാർഡെന്ന് പ്രസിഡന്റ് അഡ്വ. കെ. സാംബശിവൻ അറിയിച്ചു.