വിതുര: പാലോട് ഉപജില്ലാ കേരള സ്കൂൾ കലോത്സവത്തിന് വിതുരയിൽ തിരിതെളിഞ്ഞു. ജില്ലാ പഞ്ചായത്ത് പ്രസിഡന്റ് വി.കെ. മധു ഉദ്ഘാടനം ചെയ്തു.

വിതുരയിലും പരിസരപ്രദേശങ്ങളിലും ഉത്സവ പ്രതീതി സൃഷ്ടിച്ച് മൂന്നുദിവസം നീളുന്ന കലോത്സവം വിതുര പഞ്ചായത്ത് കമ്മ്യൂണിറ്റിഹാൾ, വിതുര ഗവ. വൊക്കേഷണൽ ആൻഡ് ഹയർസെക്കൻഡറി സ്കൂൾ, വിതുര ഗവ. യു.പി.എസ് എന്നിവിടങ്ങളിലാണ് നടക്കുന്നത്. ഉപജില്ലയിലെ നൂറിലധികം സ്കൂളുകളിൽ നിന്നുള്ള ആയിരത്തിൽപ്പരം കലാപ്രതിഭകൾ കലോത്സവത്തിൽ മാറ്റുരയ്ക്കും.

വിതുര പഞ്ചായത്ത് പ്രസിഡന്റ് എസ്.എ.എൽ. കൃഷ്ണകുമാരി അദ്ധ്യക്ഷത വഹിച്ചു. ജില്ലാ പഞ്ചായത്തംഗം വി. വിജുമോഹൻ, വെള്ളനാട് ബ്ലോക്ക് പഞ്ചായത്ത് അംഗം ജെ. വേലപ്പൻ, തൊളിക്കോട് പഞ്ചായത്ത് പ്രസിഡന്റ് ഷംനാനവാസ്, പാലോട് എ.ഇ.ഒ ജെ. സിന്ധു, സ്കൂൾ പ്രിൻസിപ്പൽമാരായ ഡോ. എസ്. ഷീജ, മറിയാമ്മാ ചാക്കോ, ഹെഡ്മിസ്ട്രസ് ജോതിഷ് ജലൻ, പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ ഷാഹുൽനാഥ് അലിഖാൻ, പി.ടി.എ പ്രസിഡന്റുമാരായ ഭുവനചന്ദ്രൻ, സുരേന്ദ്രൻ തുടങ്ങിയവർ പങ്കെടുത്തു.