മലയിൻകീഴ് : കാട്ടാക്കട ഉപജില്ലാ സ്കൂൾ കലോത്സവം പേയാട് സെന്റ് സേവ്യേഴ്സ് സ്കൂളിൽ ആരംഭിച്ചു.നൂറ് സ്കൂളുകളിൽ നിന്നായി 4000 വിദ്യാർത്ഥികൾ വിവിധ കലാമത്സരങ്ങളിൽ മാറ്റുരയ്ക്കും.നേമം ബ്ലോക്ക് പഞ്ചായത്ത് പ്രസിഡന്റ് എൽ. ശകുന്തളകുമാരി കലോത്സവം ഉദ്ഘാടനം ചെയ്തു.വിളപ്പിൽ ഗ്രാമപഞ്ചായത്ത് പ്രസിഡന്റ് കെ. അനിൽകുമാറിന്റെ അദ്ധ്യക്ഷതയിൽ ചേർന്ന യോഗത്തിൽ നേമം ബ്ലോക്ക് പഞ്ചായത്ത് വൈസ് പ്രസിഡന്റ് വിളപ്പിൽരാധാകൃഷ്ണൻ,ഫാദർ ജോസഫ് അനിൽ, ജില്ലാ പഞ്ചായത്ത് അംഗം എസ്.ശോഭനകുമാരി,പഞ്ചായത്ത് വൈസ് പ്രസിഡന്റ് ശൈലജ,ബ്ലോക്ക് പഞ്ചായത്ത് അംഗം ടി.രമകുമാരി,വിളപ്പിൽ ഗ്രാമപഞ്ചായത്ത് അംഗങ്ങളായ സി.എസ്.അനിൽ,കാർത്തികേയൻ,ബി.ശോഭന,എ.അസീസ്,ആർ.ബി ബിജുദാസ്,എഡ്വിൻ ജോർജ്,ടി.വിജയരാജ്,പേയാട് സെന്റ് സേവ്യേഴ്സ് സ്കൂൾ പ്രിൻസിപ്പൽ ആർ.എസ്. റോയി, കെ.ആർ. മായ എന്നിവർ സംസാരിച്ചു. 7 ന് വൈകിട്ട് 4 ന് നടക്കുന്ന സമാപന സമ്മേളനം സി.കെ. ഹരീന്ദ്രൻ എം.എൽ.എ ഉദ്ഘാടനം ചെയ്യും. കെ. അനിൽകുമാറിന്റെ അദ്ധ്യക്ഷതയിൽ ചേരുന്ന യോഗത്തിൽ കെ.എസ്. ശബരീനാഥൻ എം.എൽ.എ മുഖ്യപ്രഭാഷണം നടത്തും. ഐ.ബി. സതീഷ് എം.എൽ.എ സമ്മാനവിതരണം നടത്തും. സിനിമാതാരം കൊച്ചുപ്രേമൻ മുഖ്യാതിഥിയായിരിക്കും. വിളപ്പിൽരാധാകൃഷ്ണൻ, ജനപ്രതിനിധികളായ ജെ. സുനിത, സി.മണിയൻ, ആർ.എസ്.അജിതകുമാരി, എസ്.കാർത്തികേയൻ, എൻ. ശ്രീകുമാർ എന്നിവർ സംസാരിക്കും.