നെടുമങ്ങാട് : തയ്യൽത്തൊഴിലാളി ക്ഷേമനിധി നിയമം പരിഷ്കരിക്കുക,ക്ഷേമനിധി ആഫീസുകൾ കാര്യക്ഷമമാക്കുക, പെൻഷൻ വിതരണത്തിലെ അപാകത പരിഹരിക്കുക തുടങ്ങിയ ആവശ്യങ്ങളുന്നയിച്ച് 13ന് നടത്തുന്ന സെക്രട്ടേറിയറ്റ് മാർച്ചിനു മുന്നോടിയായി എ.കെ.ടി.എ ജില്ലാ കമ്മിറ്റിയുടെ നേതൃത്വത്തിൽ നെടുമങ്ങാട്ട് സായാഹ്‌ന ധർണ നടത്തി.സംസ്ഥാന വൈസ് പ്രസിഡന്റ് എസ്.സതികുമാർ ഉദ്‌ഘാടനം ചെയ്തു.ജില്ലാ പ്രസിഡന്റ് രാധാ വിജയന്റെ അദ്ധ്യക്ഷതയിൽ ട്രഷറർ കെ.പി.രവീന്ദ്രൻ,സംസ്ഥാന കമ്മിറ്റിയംഗങ്ങളായ വി.ആർ.അനിൽകുമാർ,എം.വിജയകുമാരി,ഒ.ബി ദിവാകരൻ,എൽ.വിജയൻ,എ.വിജയകുമാർ തുടങ്ങിയവർ സംസാരിച്ചു.