നെയ്യാറ്റിൻകര: സമനീതി, അധികാരത്തിൽ പങ്കാളിത്തം തുടങ്ങിയ മുദ്രാവാക്യങ്ങളുമായി ഡിസംബർ ഒന്നിന് നെയ്യാറ്റിൻകര രൂപത ആതിഥേയത്വം വഹിക്കുന്ന സമുദായ സംഗമ റാലിയിൽ ഒരു ലക്ഷത്തിലധികം അംഗങ്ങൾ പങ്കെടുക്കുമെന്ന് സംഘാടക സമിതി അറിയിച്ചു. നെയ്യാറ്റിൻകര ബിഷപ്‌സ് ഹൗസിൽ നടന്ന സംഘാടക സമിതി യോഗം വികാരി ജനറൽ മോൺ.ജി.ക്രിസ്തുദാസ് ഉദ്ഘാടനം ചെയ്യ്തു. കെ..എൽസി.എ രൂപത പ്രസിഡന്റ് ഡി.രാജു അദ്ധ്യക്ഷത വഹിച്ചു. ശുശ്രൂഷ കോ ഓർഡിനേറ്റർ മോൺ.വി.പി ജോസ്, രൂപത അൽമായ കമ്മിഷൻ സെക്രട്ടറി ഫാ.എസ്.എം അനിൽകുമാർ,പാസ്റ്ററൽ കൗൺസിൽ സെക്രട്ടറി ആറ്റുപുറം നേശൻ, ഫാ.ഡെന്നിസ്‌കുമാർ, സംസ്ഥാന സമിതി അംഗങ്ങളായ ജെ.സഹായദാസ്,എസ്.ഉഷകുമാരി തുടങ്ങിയവർ പ്രസംഗിച്ചു.ഡിസംബർ 1 ന് ഉച്ചക്ക് ശേഷം നെയ്യാറ്റിൻകര മുനിസിപ്പൽ സ്റ്റേഡിയത്തിൽ നിന്ന് ആരംഭിക്കുന്ന സംഗമ റാലി അക്ഷയ കോപ്ലക്‌സിൽ സമാപിക്കും.