ആറ്റിങ്ങൽ: ബി.എസ്.എൻ.എൽ കരാർ തൊഴിലാളിയായ നിലമ്പൂർ സ്വദേശി രാമകൃഷ്‌ണൻ ശമ്പളം കിട്ടാത്തതിനാൽ സ്വന്തം ഒാഫീസിനുള്ളിൽ തൂങ്ങിമരിച്ച സംഭവത്തിൽ പ്രതിഷേധിച്ച് ബി.എസ്.എൻ.എൽ ആറ്റിങ്ങൽ ഡിവിഷണൽ ഒാഫീസിനു മുന്നിൽ പ്രകടനവും യോഗവും ചേർന്നു. സി.ഐ.ടി.യു ജില്ലാ കമ്മിറ്റിയംഗം എം. മുരളി യോഗം ഉദ്ഘാടനം ചെയ്‌തു. സി.ഐ.ടി.യു ഏരിയാ സെക്രട്ടറി അഞ്ചുതെങ്ങ് സുരേന്ദ്രൻ, ആർ. രാധാകൃഷ്‌ണക്കുറുപ്പ്, ജി. സന്തോഷ് കുമാർ, ബിജു .ആർ.വി, ശ്രീരാജ് അനിൽകുമാർ തുടങ്ങിയവർ സംസാരിച്ചു.