തിരുവനന്തപുരം : എസ്.എൻ.ഡി.പി യോഗം പത്രാധിപർ കെ. സുകുമാരൻ സ്മാരക യൂണിയനിൽ യൂത്ത്മൂവ്മെന്റ് രൂപീകരണത്തിന്റെ ഭാഗമായി യോഗം കൗൺസിലർ പച്ചയിൽ സന്ദീപിന്റെ നേതൃത്വത്തിൽ നടത്തുന്ന മേഖലാസമ്മേളനങ്ങൾക്ക് നാളെ തുടക്കമാകും. നാലുഘട്ടമായി നടക്കുന്ന സമ്മേളനത്തിന്റെ ഭാഗമായുള്ള കരിക്കകം മേഖലാസമ്മേളനം നാളെ രാവിലെ 10ന് കൗൺസിലർ പച്ചയിൽ സന്ദീപ് ഉദ്ഘാടനം ചെയ്യും. യൂണിയൻ പ്രസിഡന്റ് ഡി.പ്രേംരാജ് അദ്ധ്യക്ഷത വഹിക്കും. സെക്രട്ടറി ആലുവിള അജിത്ത്, വൈസ് പ്രസിഡന്റ് ചേന്തി അനിൽ, യോഗം ഡയറക്ടർ ബോർഡ് അംഗങ്ങളായ കരിക്കകം സുരേഷ്, കടകംപള്ളി സനൽ, യൂത്ത് മൂവ്മെന്റ് മുൻ ജില്ലാ കൺവീനർ അരുൺ അശോക് തുടങ്ങിയവർ നേതൃത്വം നൽകും. മേഖലാ സമ്മേളനത്തിന്റെ ഭാഗമായി വിവിധ ശാഖകളിൽ അന്നേദിവസം യോഗം കൗൺസിലർ സന്ദർശനം നടത്തും. ശാഖകളും സന്ദർശന സമയവും. കരിക്കം നോർത്ത് - 10ന്, കരിക്കകം സൗത്ത് -10.30ന്, വെട്ടുകാട് -11ന്,കുടവൂർ-12ന്,ചാക്ക-1ന്,വലിയഉദ്ദേശ്വരം -2.30ന്,പേട്ട നോർത്ത് - 3ന്, പേട്ടസൗത്ത്-4ന്,വഞ്ചിയൂർ - 5ന്, ഒരുവാതിൽക്കോട്ട-6ന്, വെൺപാലവട്ടം -7.30ന്