തിരുവനന്തപുരം: എൽ.ബി.എസ് ജീവനക്കാരുടെ ന്യായമായ അവകാശങ്ങൾ സർക്കാർ അംഗീകരിക്കണമെന്നും ജീവനക്കാരോട് നീതി കാണിക്കണമെന്നും കെ.പി.സി.സി മുൻ പ്രസിഡന്റ് എം.എം. ഹസൻ പറഞ്ഞു. വിവിധ ആവശ്യങ്ങളുന്നയിച്ച് എൽ.ബി.എസ് എംപ്ലോയീസ് അസോസിയേഷൻ എൽ.ബി.എസ് ഡയറക്ടറേ​റ്റിന് മുന്നിൽ സംഘടിപ്പിച്ച പ്രതിഷേധ ധർണ ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാന പ്രസിഡന്റ് തമ്പാനൂർ രവി അദ്ധ്യക്ഷനായി. വർക്കിംഗ് പ്രസിഡന്റ് കെ. നീലകണ്ഠൻ, ജനറൽ സെക്രട്ടറി കെ. ജയചന്ദ്രൻ,​ ഡി.സി.സി വൈസ് പ്രസിഡന്റുമാരായ പി.എസ്. പ്രശാന്ത്, കെ.എസ്. ഗോപകുമാർ, എൻ.ജി.ഒ അസോസിയേഷൻ സംസ്ഥാന സെക്രട്ടേറിയ​റ്റ് മെമ്പർ ജഅ്ഫർ തേമ്പാമൂട്, പി.പി. ഷിജു, എം. കുഞ്ഞമ്പു നമ്പ്യാർ, കെ. സത്യനാഥൻ തുടങ്ങിയവർ സംസാരിച്ചു.