തിരുവനന്തപുരം: കേരള സ്റ്റേറ്റ് സർവീസ് പെൻഷണേഴ്സ് യൂണിയൻ അതിയന്നൂർ ബ്ളോക്ക് മാതൃഭാഷാ ദിനാചരണം 1ന് വെങ്ങാനൂർ ഡോ. അംബേദ്കർ കമ്മ്യൂണിറ്റി ഹാളിൽ ബ്ളോക്ക് വൈസ് പ്രസിഡന്റ് എം. രാജേന്ദ്രന്റെ അദ്ധ്യക്ഷതയിൽ നടന്നു. സാംസ്കാരിക സമിതി കൺവീനർ വി. പ്രഭാകര പണിക്കർ സ്വാഗതം ആശംസിച്ചു. പ്രൊഫ. എം. ചന്ദ്രബാബു ഉദ്ഘാടനം ചെയ്തു. ഉബൈദുള്ള വി. ഇള സാംസ്കാരിക പ്രഭാഷണം നടത്തി.

കവിയരങ്ങിൽ ഉബൈദുള്ള വി. ഇള, ജി. പുരുഷോത്തമൻ എന്നിവർ കവിതാപാരായണം നടത്തി. കെ.എസ്.എസ്.പി.യു തിരുവനന്തപുരം ജില്ലാ ജോയിന്റ് സെക്രട്ടറി കെ. ബാബു രാജേന്ദ്രപ്രസാദ്, കെ.എസ്.എസ്.പി.യു അതിയന്നൂർ ബ്ളോക്ക് സെക്രട്ടറി രത്നാകരൻ, ജില്ലാ കമ്മിറ്റി അംഗം ടി. രാജമ്മ എന്നിവർ ആശംസാ പ്രസംഗം നടത്തി. കെ.എസ്.എസ്.പി.യു വെങ്ങാനൂർ യൂണിറ്റ് സെക്രട്ടറി (ഇൻ-ചാർജ്), ടി. വിജയൻ നന്ദി പ്രകാശിച്ചു.