തിരുവനന്തപുരം: എസ്.എൻ.ഡി.പി യോഗം പത്രാധിപർ കെ. സുകുമാരൻ സ്‌മാരക യൂണിയൻ പരിധിയിലെ ഒന്നാംഘട്ടം മേഖലാ സമ്മേളനത്തോടനുബന്ധിച്ച് നടന്ന യൂത്ത്മൂവ്മെന്റ് രൂപീകരണം കരിക്കകം നോർത്ത് ശാഖയിൽ യോഗം കൗൺസിലർ പച്ചയിൽ സന്ദീപ് ഉദ്ഘാടനം ചെയ്‌തു. യൂണിയൻ പ്രസിഡന്റ് ഡി. പ്രേംരാജ്, സെക്രട്ടറി ആലുവിള അജിത്, ഡയറക്ടർ ബോർഡ് മെമ്പർമാരായ കരിക്കകം ആർ. സുരേഷ് കുമാർ, കടകംപള്ളി സനൽ, ചാക്ക ശാഖ സെക്രട്ടറി കെ. സനൽകുമാർ, വെൺപാലവട്ടം ശാഖ സെക്രട്ടറി ജി. സുരേഷ് കുമാർ, യൂത്ത് മൂവ്മെന്റ് മുൻ ജില്ലാ കൺവീനർ അരുൺ അശോക്, സൈബർ സേന ജില്ലാ വൈസ് ചെയർമാൻ കുളത്തൂർ ജ്യോതി തുടങ്ങിയവർ പങ്കെടുത്തു. ഡിസംബർ 14ന് കൈതമുക്ക് ശ്രീനാരായണ ഷഷ്ഠ്യബ്ദപൂർത്തി സ്‌മാരക മന്ദിരത്തിൽ നടക്കുന്ന യൂത്ത് മൂവ്മെന്റ് നേതൃത്വ ക്യാമ്പ് വിജയിപ്പിക്കാൻ മേഖലായോഗം തീരുമാനിച്ചു. യോഗം ജനറൽ സെക്രട്ടറി വെള്ളാപ്പള്ളി നടേശനാണ് ക്യാമ്പ് ഉദ്ഘാടനം ചെയ്യുന്നത്.