കുണ്ടറ: ഒൻപത് മാസം മുമ്പ് വിവാഹം കഴിച്ച ഭാര്യയെ കിടപ്പുമുറിയിൽ ശ്വാസം മുട്ടിച്ച് കൊലപ്പെടുത്തിയത് കുടുംബപ്രശ്നങ്ങളെ തുടർന്ന് പെട്ടെന്നുണ്ടായ പ്രകോപനത്തിന്റെ പേരിലെന്ന് പ്രതി പൊലീസിന് മൊഴി നൽകി. തി​ങ്ക​ളാ​ഴ്​ച വൈ​കി​ട്ട് 7 ഓടെ മു​ള​വ​ന ച​രു​വി​ള പു​ത്തൻ വീ​ട്ടിൽ കൃ​തിയുടെ (25) വീ​ട്ടി​ലെ​ത്തി​യ കൊ​ല്ലം കോ​ളേ​ജ് ജം​ഗ്ഷൻ ദേ​വി​പ്രി​യ​യിൽ വൈ​ശാ​ഖ് ബൈ​ജു (28) കി​ട​പ്പു​മു​റി​യിൽ ഭാ​ര്യയു​മാ​യി സം​സാ​രി​ച്ചു പി​ണ​ങ്ങി. ദേ​ഷ്യം വ​ന്ന​തോ​ടെ ക​ട്ടി​ലിൽ ഇ​രു​ന്ന കൃ​തി​യെ ത​ല​യ്​ക്ക് പി​ടി​ച്ച് ത​ല​യി​ണ​യിൽ അ​മർ​ത്തിപ്പിടിച്ചു. പി​ന്നീ​ട് പി​ടി​വി​ട്ടപ്പോൾ ച​ല​ന​മ​റ്റ നി​ല​യി​ലാ​യി​രു​ന്നു. കൊ​ല​പ്പെ​ടു​ത്താനായി ചെ​യ്​ത​ത​ല്ലെ​ന്നും അ​പ്പോ​ഴ​ത്തെ ദേ​ഷ്യ​ത്തിൽ ചെ​യ്​ത​താ​ണെ​ന്നുമാണ് വൈശാഖ് പ​റ​യു​ന്നത്.

മാ​ന​സി​ക​മാ​യി ത​കർ​ന്ന താൻ എങ്ങനെ രക്ഷപ്പെടാമെന്ന് മാത്രമാണ് ആ​ലോ​ചി​ച്ചത്. 10.45 ഓടെ ഊണ് കഴിക്കാൻ കൃ​തി​യു​ടെ അ​മ്മ ക​ത​കിൽ ത​ട്ടി വി​ളി​ച്ചു. ഈ സമയം കൃതി അനക്കമില്ലാതെ കിടക്കുകയായിരുന്നു. ബോധക്ഷയം ഉണ്ടായതാണെന്നും വാഹനത്തിൽ ആശുപത്രിയിൽ കൊണ്ടുപോകാമെന്നും പറഞ്ഞ് വൈശാഖ് പുറത്തേക്കിറങ്ങി കാറോടിച്ച് രക്ഷപ്പെടുകയായിരുന്നു. തുടർന്ന് കൊ​ല്ല​ത്തെ വീ​ട്ടിൽ വിളിച്ച് വി​വ​രം പ​റ​ഞ്ഞെ​ങ്കി​ലും അ​നു​കൂ​ല​ മ​റു​പ​ടി ല​ഭി​ച്ചി​ല്ല. പി​ന്നീ​ട് സു​ഹൃ​ത്തു വ​ഴി പൊ​ലീ​സിൽ കീ​ഴ​ട​ങ്ങു​ക​യാ​യി​രു​ന്നു.

വൈശാഖിനെ കോ​ട​തി​യിൽ ഹാ​ജ​രാ​ക്കി റി​മാൻ​ഡ് ചെ​യ്​തു. ര​ണ്ടു ദി​വ​സം ക​ഴി​ഞ്ഞ് ക​സ്റ്റ​ഡി​യിൽ വാ​ങ്ങി കൂ​ടു​തൽ തെ​ളി​വെ​ടു​പ്പ് ന​ട​ത്തു​മെ​ന്ന് അ​ന്വേ​ഷ​ണ ഉ​ദ്യോ​ഗ​സ്ഥൻ പ​റ​ഞ്ഞു. കൃ​തി​യു​ടെ ഡ​യ​റിക്കുറി​പ്പിൽ ഇ​വരുടെ ദാ​മ്പ​ത്യ ജീ​വി​തം അത്ര സുഖകരമ​ല്ലെ​ന്നും സാ​മ്പ​ത്തി​ക താത്​പ​ര്യം മാ​ത്ര​മാ​ണ് വൈ​ശാ​ഖി​ന്റെ ല​ക്ഷ്യ​മെ​ന്നും എ​ഴു​തി​യി​രു​ന്ന​താ​യി പ​റ​യു​ന്നു.

നാ​ലു വർ​ഷം മുൻ​പ് കൃ​തി ത​ല​ച്ചി​റ സ്വ​ദേ​ശി​യെ വി​വാ​ഹം ക​ഴി​ച്ച് കു​ഞ്ഞി​ന് നാ​ലു മാ​സം പ്രാ​യ​മു​ള്ള​പ്പോൾ ബ​ന്ധം വേർ​പെ​ടു​ത്തി​യിരുന്നു. ഇതിന് ശേഷമാണ് വൈ​ശാ​ഖു​മാ​യി ഫേ​സ്​ബു​ക്ക് വ​ഴി പ​രി​ച​യ​പ്പെ​ട്ടത്. കൂടുതൽ അടുപ്പത്തിലായതോടെ കു​ഞ്ഞി​ന്റെ പി​റ​ന്നാൾ ആ​ഘോ​ഷ​ത്തി​ന് പോ​ലും വൈ​ശാ​ഖ് മു​ള​വ​ന​യി​ലെ വീ​ട്ടി​ലെത്തിയിരുന്നു.
പി​ന്നീ​ട് 2018ൽ രജി​സ്റ്റർ വി​വാ​ഹം ന​ട​ത്തി. എ​ന്നാൽ കൃ​തി​യെ ര​ണ്ടാം വി​വാ​ഹം ചെ​യ്യു​ന്ന​തി​ന് വൈ​ശാ​ഖി​ന്റെ വീ​ട്ടു​കാർ എ​തിർ​പ്പ് പ​റ​ഞ്ഞെ​ങ്കി​ലും ക​ല്യാ​ണ​മാ​യി ന​ട​ത്താ​മെ​ന്ന് പ​റ​ഞ്ഞ് അ​വ​രെ സ​മ്മ​തി​പ്പി​ക്കു​ക​യാ​യി​രു​ന്നു. അ​ങ്ങി​നെയാണ് മാ​സ​ങ്ങൾ​ക്ക് മുൻ​പ് കൊ​ല്ല​ത്തെ പ്ര​ധാ​ന ഓ​ഡി​റ്റോ​റി​യ​ത്തിൽ വച്ച് വിവാഹം നടത്തിയത്. വി​വാ​ഹ ശേ​ഷം ഗൾ​ഫി​ൽ പോ​യ വൈ​ശാ​ഖ് ഒ​രു മാ​സ​ത്തി​നു​ള്ളിൽ തി​രി​ച്ചെ​ത്തി. നാ​ട്ടി​ലെ​ത്തി​യ വൈ​ശാ​ഖ് എ​ഡ്യൂ​ക്കേ​ഷ​നൽ കൺ​സൾട്ടന്റാ​യി പ്ര​വർ​ത്തി​ക്കു​ക​യാ​യി​രു​ന്നു. ബി​സി​ന​സ് ആ​വ​ശ്യ​മെ​ന്ന് പറഞ്ഞ് കൃതിയുടെ അക്കൗണ്ടിൽ നിന്നും അമ്മയുടെ അക്കൗണ്ടിൽ നിന്നും ലക്ഷങ്ങൾ പിൻവലിച്ചിരുന്നു. കൂടാതെ വ​സ്​തു പ​ണ​യ​പ്പെ​ടു​ത്തി​യും ലക്ഷങ്ങൾ കൈപ്പറ്റിയതായി കൃ​തി​യു​ടെ വീ​ട്ടു​കാർ പ​റ​യു​ന്നു.