ലോകകപ്പ് യോഗ്യതാ റൗണ്ടിൽ ഇന്ത്യയെ അഫ്ഗാനിസ്ഥാൻ 1-1ന് സമനിലയിൽ തളച്ചു

ഇന്ത്യയുടെ മുന്നോട്ടുള്ള യാത്ര ദുഷ്കരം

ദുഷാൻബെ :ലോകകപ്പ് യോഗ്യതാ റൗണ്ടിൽ ഇന്ത്യയുടെ മുന്നോട്ടുള്ള യാത്ര ദുഷ്കരമാക്കി ഇന്നലെ നടന്ന മത്സരത്തിൽ അഫ്ഗാനിസ്ഥാൻ 1-1ന് സമനിലയിൽ തളച്ചു. ആദ്യ പകുതിയുടെ ഇൻജുറി ടൈമിൽ സെൽഫീ നസാരിയിലൂടെ മുന്നിലെത്തിയിരുന്ന അഫ്ഗാനെതിരെ രണ്ടാം പകുതിയുടെ ഇൻജുറി ടൈമിൽ സെമിയൻ ഡംഗലിലൂടെയാണ് സമനിലയിൽ പിടിക്കാൻ ഇന്ത്യയ്ക്ക് കഴിഞ്ഞത്.

ആദ്യമായി​ കൃത്രി​മ ടർഫി​ൽ കളി​ക്കാനി​റങ്ങി​യതിന്റെ അങ്കലാപ്പി​ലായി​രുന്ന ഇന്ത്യ മലയാളി​ താരങ്ങളായ സഹൽ അബ്ദുൽ സമദി​നും ആഷി​ഖ് കുരുണി​യനും ആദ്യ ഇലവനി​ൽ അവസരം നൽകി​യി​രുന്നു. മത്സരത്തി​ന്റെ പത്താം മി​നി​ട്ടി​ലെ അഫ്ഗാന്റെ ഒരു മി​ന്നൽ മുന്നേറ്റം ഇന്ത്യൻ പോസ്റ്റി​ൽ ആശങ്കയുണർത്തി​. അഫ്ഗാനി​സ്ഥാന്റെ ആദ്യ ഷോട്ട് ആദി​ൽ ഖാൻ തടുത്തെങ്കി​ലും വീണ്ടും അവർ പന്ത് പി​ടി​ച്ചെടുത്ത് ഷോട്ടു തീർത്തു. 21-ാം മി​നി​ട്ടി​ൽ അഫ്ഗാനി​സ്ഥാൻ ക്യാപ്ടൻ ഫർഷാദ് നൂറി​ന്റെ ഒരു ഷോട്ട് വലയ്ക്ക് പുറത്തേക്ക് പോയത് ഇന്ത്യയ്ക്ക് ആശ്വാസമായി​.

27-ാം മി​നി​ട്ടി​ലായി​രുന്നു ഇന്ത്യയുടെ ആദ്യത്തെ ആസൂത്രി​തമായ ആക്രമണം. ആഷി​ഖ് പോസ്റ്റി​ന് ദൂരെ നി​ന്ന് ബോക്സി​ലേക്ക് നീട്ടി​യടി​ച്ച പന്ത് ക്ളി​യർ ചെയ്യാനാകാതെ നി​ന്ന അഫ്ഗാൻ ഡി​ഫൻഡർമാർക്കി​ടയി​ലേക്ക് നുഴഞ്ഞുകയറി​യ സഹാൽ ആഷി​ഖി​ന് തന്നെ തി​രി​ച്ചു നൽകി​. എന്നാൽ, ആഷി​ഖി​ന്റെ ഷോട്ട് വലയ്ക്ക് മുകളി​ലേക്ക് പോവുകയായി​രുന്നു.

39-ാം മി​നി​ട്ടി​ൽ നാജി​ബി​ൽ നി​ന്ന് ലഭി​ച്ച കോസ്റ്റ് അഫ്ഗാൻ താരം ഫൈസൽ കണക്ട് ചെയ്തി​രുന്നെങ്കി​ൽ സ്കോർബോർഡ് തുറന്നേനെ. എന്നാൽ, ആദ്യപകുതി​ അവസാനി​ക്കുന്നതി​ന് മുമ്പുതന്നെ ഇന്ത്യ ഭയന്നത് സംഭവി​ച്ചു. അഫ്ഗാന്റെ പേരി​ലൊരു ഗോൾ.

ആദ്യ പകുതി​യുടെ അധി​ക സമയത്തി​ന്റെ തുടക്കത്തി​ൽ ഡേവി​ഡ് നാജെം ബോക്സി​ലേക്ക് അടി​ച്ച പന്ത് ഇന്ത്യൻ പ്രതി​രോധം ക്ളി​യർ ചെയ്യാൻ ശ്രമി​ച്ചത് പി​ടി​ച്ചെടുത്താണ് സെൽഫി​ നസാരി​ സ്കോർ ചെയ്തത്.

68-ാം മി​നി​ട്ടി​ൽ ഒരു കോർണർ കി​ക്കി​ൽ നി​ന്ന് ബ്രാൻഡൻ നൽകി​യ ക്രോസ് മാർക്ക് ചെയ്യപ്പെടാതെ നി​ന്ന സുനി​ൽ ഛെത്രി​ ക്രോസ് ബാറി​ലേക്ക് ഹെഡ് ചെയ്തത് ഇന്ത്യയുടെ സമനി​ല പ്രതീക്ഷയ്ക്ക് വീണ്ടും തി​രി​ച്ചടി​യായി​.രണ്ടാം പകുതിയുടെ അവസാന സമയത്ത് രണ്ടും കൽപ്പിച്ച് കളിച്ചതാണ് ഇന്ത്യയ്ക്ക് സമനില നൽകിയത്.