സിഡ്നി: ഗർഭിണിയാണെന്ന് തിരിച്ചറിഞ്ഞത് പ്രസവത്തിന് വെറും പത്തുമിനിട്ടുമുമ്പ്. മോഡലായ എറിൻ ലാങ്മെയ്ഡ് എന്ന 23കാരിയാണ് ഇൗ അത്ഭുത യുവതി. ഇതെങ്ങനെ സംഭവിച്ചു എന്ന് ഒരെത്തുപിടിയും കിട്ടുന്നില്ലെന്നാണ് ഡോക്ടർമാർ പറയുന്നത്.

ഗർഭത്തിന്റേതായ ഒരു പ്രശ്നവും എറിന് ഉണ്ടായിരുന്നില്ല. വയറുപോലും ഉണ്ടായിരുന്നില്ല. നേരത്തേതന്നെ മാസമുറ പതിവല്ലാത്തതിനാൽ അക്കാര്യവും കൂടുതൽ ശ്രദ്ധിച്ചില്ല. ഗർഭനിരോധന മാർഗങ്ങൾ സ്വീകരിച്ച് പങ്കാളിയുമായി പതിവായി ബന്ധപ്പെടാറുണ്ടായിരുന്നു.

ടോയ്‌ലറ്റിൽ പോയപ്പോൾ വയറിന് എന്തോ ഒരു അസ്വസ്ഥത. അല്പം കഴിഞ്ഞതോടെ കഠിന വേദന തുടങ്ങുകയും പ്രസവിക്കുകയും ചെയ്തു. ഇസ്ല എന്നാണ് മകൾക്ക് പേരിട്ടിരിക്കുന്നത്. പൂര്‍ണ്ണ ആരോഗ്യമുള്ള കുഞ്ഞിനാണ് എറിൻ ജന്മം നൽകിയത്.അപൂർവത്തിൽ അപൂർവമായി മാത്രം സംഭവിക്കുന്ന കാര്യമാണ് എറിന്റെ കാര്യത്തിൽ നടന്നതെന്നാണ് ഡോക്ടർമാർ പറയുന്നത്. 2015 ൽ കാതറിൻ ക്രോപ്പസ് എന്ന 23 കാരിക്കും സമാനമായ അനുഭവം ഉണ്ടായിട്ടുണ്ട്. എന്തുകൊണ്ടാണ് ഇങ്ങനെ സംഭവിക്കുന്നതെന്നതിന് വ്യക്തമായി ഒരുത്തരം കണ്ടെത്താൻ ഇതുവരെ കഴിഞ്ഞിട്ടില്ല