കടയ്ക്കാവൂർ: നിലയ്ക്കാമുക്ക് ഗവ. യു.പി.എസിൽ എസ്.എം.സിയും സ്കൂൾ അധികൃതരും ചേർന്ന് സജീകരിച്ച ഡൈനിംഗ് ഹാളിന്റെ ഉദ്ഘാടനം അടൂർ പ്രകാശ് എം.പിയും നവീകരിച്ച ക്ളാസ് ലൈബ്രറികളുടെ ഉദ്ഘാടനം ജില്ലാ പഞ്ചായത്ത് വൈസ് പ്രസിഡന്റ് ഷൈലജാ ബീഗവും സി.സി.ടി.വി കാമറകളുടെ ഉദ്ഘാടനം പഞ്ചായത്ത് പ്രസിഡന്റ് വേണുജിയും നിർവഹിച്ചു. ഷൈലജാബീഗം അദ്ധ്യക്ഷത വഹിച്ചു.ബ്ളോക്ക് വികസന സ്റ്റാൻഡിംഗ് കമ്മിറ്റി ചെയർമാൻ ഫിറോസ് ലാൽ, പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിംഗ് കമ്മറ്റി ചെയർമാൻ ബിഷ്ണു, വാർഡ് മെമ്പർ പ്രസന്ന, നൂൺ മീൽ ഓഫീസർ സുനിത, സ്കൂൾ വികസന സമിതി ചെയർമാൻ ബഷീർ, സാന്ത്വനം പ്രസിഡന്റ് സജി, റിട്ട. എച്ച്.എം. പ്രകാശ് എന്നിവർ സംസാരിച്ചു. ഹെഡ്മാസ്റ്റർ ജയറാം സ്വാഗതവും എസ്.എം.സി ചെയർമാൻ അരുൺ നന്ദിയും പറഞ്ഞു.