തിരുവനന്തപുരം: പന്ത്രണ്ടു ജില്ലകളിലായി 28 തദ്ദേശ സ്വയംഭരണ വാർഡുകളിൽ ഡിസംബർ 17ന് ഉപതിരഞ്ഞെടുപ്പ് നടക്കുമെന്ന് സംസ്ഥാന തിരഞ്ഞെടുപ്പ് കമ്മിഷണർ വി.ഭാസ്‌കരൻ അറിയിച്ചു. 18ന് വോട്ടെണ്ണും.കണ്ണൂർ കോർപറേഷനിലെ ഒരു വാർഡിലും വൈക്കം, ഷൊർണൂർ, ഒറ്റപ്പാലം, തലശ്ശേരി മുനിസിപ്പാലിറ്റികളിലെ ഓരോ വാർഡിലും കാസർകോട് മുനിസിപ്പാലിറ്റിയിലെ രണ്ട് വാർഡുകളിലും, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലെ 21 ഗ്രാമപഞ്ചായത്ത് വാർഡുകളിലുമാണ് ഉപതിരഞ്ഞെടുപ്പ്.വിജ്ഞാപനം 21 ന് പുറപ്പെടുവിക്കും. നാമനിർദ്ദേശപത്രിക 21 മുതൽ 28 വരെ സമർപ്പിക്കാം. സൂക്ഷമപരിശോധന 29 ന് നടക്കും. പിൻവലിക്കുന്നതിനുള്ള അവസാന തീയതി ഡിസംബർ 2 ആണ്.