തിരുവനന്തപുരം: വിവിധ ആവശ്യങ്ങളുന്നയിച്ച് ഇ.പി.എഫ് പെൻഷൻകാർ കളക്ടറേറ്റ് നടയിൽ നടത്തിയ ധർണ കെ. ആൻസലൻ എം.എൽ.എ ഉദ്ഘാടനം ചെയ്തു. പ്രൊവിഡന്റ് ഫണ്ട് പെൻഷണേഴ്സ് അസോസിയേഷൻ ജില്ലാ പ്രസിഡന്റ് അബ്ദുൾ റഹ്മാൻ അദ്ധ്യക്ഷത വഹിച്ചു. ഐ.എൻ.ടി.യു.സി നേതാവ് പാലോട് രവി,​ എ.ഐ.ടി.യു.സി ജില്ലാ സെക്രട്ടറി മീനാങ്കൽ കുമാർ,​യൂണിയൻ സംസ്ഥാന വർക്കിംഗ് പ്രസിഡന്റ് മോഹനൻ,​ സംസ്ഥാന വൈസ് പ്രസിഡന്റ് പി.ജി. രാജേന്ദ്രൻ,​ എം.കെ. രാധ,​ സി.എ. അനന്തചന്ദ്രൻ തുടങ്ങിയവർ സംസാരിച്ചു. രാജശേഖരൻ നായർ സ്വാഗതവും പുഞ്ചക്കരി മോഹനൻ നന്ദിയും പറഞ്ഞു.