നെയ്യാറ്റിൻകര : അയിര ഗവ. കെ.വി.എച്ച്.എസ്.എസിൽ പ്രതിഭകൾക്കൊപ്പം വിദ്യാലയം എന്ന പദ്ധതിയുടെ ഭാഗമായി പാറശാല സബ് ജില്ലാ സ്കൂൾ കലോത്സവത്തിൽ തുടർച്ചയായി നാലു വർഷം കലാപ്രതിഭയായിരുന്ന ഈ സ്കൂളിലെ പൂർവ വിദ്യാർത്ഥിയും ഓട്ടൻ തുള്ളൽ കലാകാരിയുമായ അഡ്വ. അഞ്ജന ശ്രീകുമാറിനെ കാരോട് പഞ്ചായത്തു മെമ്പർ ടി. തങ്കരാജെന്റെ അദ്ധ്യക്ഷതയിൽ ചേർന്ന സമ്മേളത്തിൽ അനുമോദിച്ചു. പ്രിൻസിപ്പൽ അനിൽകുമാർ സ്വാഗതവും ഹെഡ്മിസ്ട്രസ് ക്രിസ്റ്റൽ ജോൺ നന്ദിയും പറഞ്ഞു. സ്റ്റാഫ് സെക്രട്ടറി രാധാകൃഷ്ണൻ, സുജ, സുനിൽ എന്നിവർ സംസാരിച്ചു. സ്കൂൾ ലൈബ്രറി പുസ്തകസമാഹരണത്തിന്റെ ഉദ്ഘടനം പൂർവ വിദ്യാർത്ഥി യൂണിയൻ ചെയർമാൻ എൻ.കെ. ശ്രീകുമാർ നിർവഹിച്ചു.