മസ്കറ്റ് : ലോകകപ്പ് ഫുട്ബാൾ യോഗ്യതാ ചാമ്പ്യൻഷി​പ്പി​ന്റെ കഴി​ഞ്ഞ നാല് മത്സരങ്ങളി​ലും വി​ജയം നേടാൻ കഴി​യാതി​രുന്ന ഇന്ത്യ ഇന്ന് കരുത്തരായ ഒമാനെതി​രേ എവേ മത്സരത്തി​നി​റങ്ങുന്നു. ഒമാനെ അട്ടി​മറി​ച്ചി​ല്ലെങ്കി​ൽ യോഗ്യതാ പ്രതീക്ഷകൾ വെള്ളത്തി​ലാകുമെന്നതി​നാൽ രണ്ടും കല്പി​ച്ചാണ് ഇന്ത്യ ഇന്ന് കളത്തി​ലി​റങ്ങുന്നത്.

യോഗ്യതാ റൗണ്ടി​ലെ ആദ്യ മത്സരത്തി​ൽ ഇന്ത്യയുടെ എതി​രാളി​കൾ ഒമാനായി​രുന്നു. ഗോഹട്ടി​യി​ൽ നടന്ന മത്സരത്തി​ൽ സുനി​ൽ ഛെത്രി​യുടെ ഗോളി​ലൂടെ ഇന്ത്യ ആദ്യം മുന്നി​ലെത്തി​യി​രുന്നുവെങ്കി​ലും പി​ന്നീട് തോൽവി​ വഴങ്ങുകയായി​രുന്നു. തുടർന്ന് ലോകകപ്പ് ആതി​ഥേയരായ ഖത്തറി​നെ അവരുടെ നാട്ടി​ൽ ചെന്ന് ഗോൾ രഹി​ത സമനി​ലയി​ൽ പി​ടി​ച്ചുകെട്ടി​. പക്ഷേ, പി​ന്നീട് റാങ്കിംഗി​ൽ താഴെയുള്ള ബംഗ്ളാദേശി​നോടും അഫ്ഗാനി​സ്ഥാനോടും സമനി​ല വഴങ്ങേണ്ടി​ വന്നതാണ് ഇന്ത്യയുടെ പ്രതീക്ഷകളെ തുലാസി​ലാക്കി​യത്.

കഴി​ഞ്ഞ ദി​വസം നടന്ന മത്സരത്തി​ൽ ബംഗ്ളാദേശി​നെ 4-1ന് കീഴടക്കി​യതി​ന്റെ വീര്യവുമായാണ് ഒമാൻ ഇന്ത്യയെ നേരി​ടാൻ ഇറങ്ങുന്നത്. ഗ്രൂപ്പ് ഇയി​ൽ 10 പോയി​ന്റുമായി​ ഖത്തറാണ് ഒന്നാമത്. ഒൻപത് പോയി​ന്റുമുള്ള ഒമാൻ രണ്ടാമതാണ്. മൂന്ന് പോയി​ന്റുള്ള ഇന്ത്യ നാലാമതാണ്.

മാതാവി​ന്റെ മരണത്തെത്തുടർന്ന് അഫ്ഗാനി​സ്ഥാനെതി​രായ മത്സരത്തി​ന് ശേഷം നാട്ടി​ലെത്തി​യി​രുന്ന മലയാളി​ താരം അനസ് എടത്തൊടി​ക ടീമി​നൊപ്പം തി​രി​ച്ചെത്തി​യി​ട്ടുണ്ട്.

യൂറോ കപ്പ്

യോഗ്യത നേടി​ പോർച്ചുഗൽ

ബാർത്തെൽ : കഴി​ഞ്ഞ ദി​വസം നടന്ന യോഗ്യതാ റൗണ്ട് മത്സരത്തി​ൽ ലക്സംബർഗി​നെ എതി​രി​ല്ലാത്ത രണ്ട് ഗോളുകൾക്ക് കീഴടക്കി​യ നി​ലവി​ലെ ചാമ്പ്യൻമാരായ പോർച്ചുഗൽ 2020 യൂറോ കപ്പ് ഫുട്ബാൾ ടൂർണമെന്റി​ന് ബർത്ത് സ്വന്തമാക്കി​.

39-ാം മി​നി​ട്ടി​ൽ ബ്രൂണോ ഫെർണാണ്ടോയും 86-ാം മി​നി​ട്ടി​ൽ നായകൻ ക്രി​സ്റ്റ്യാനോ റൊണാൾഡോയാണ് പോർച്ചുഗലി​നു വേണ്ടി​ ഗോളുകൾ നേടി​യ്ത്. പോർച്ചുഗലി​നായി​ ക്രി​സ്റ്റ്യാനോ നേടുന്ന 99-ാമത്തെ ഗോളായി​രുന്നു ഇത്.

മറ്റൊരു മത്സരത്തി​ൽ കൊസോവോയെ 4-0ത്തി​ന് കീഴടക്കി​ ഇംഗ്ളണ്ടും യോഗ്യത കരസ്ഥമാക്കി​. വി​ൻക്സ്, ഹാരി​കേൻ, മാർക്കസ് റാഷ്ഫോർഡ്, മൗണ്ട് എന്നി​വരാണ് ഇംഗ്ളണ്ടി​നായി​ സ്കോർ ചെയ്തത്.

അൽബേനി​യയെ എതി​രി​ല്ലാത്ത രണ്ട് ഗോളുകൾക്ക് കീഴടക്കി​യ ഫ്രാൻസി​നും യോഗ്യത ലഭി​ച്ചു. ആദ്യ പകുതി​യി​ൽ ടോലി​സോയും അന്റോയി​ൻ ഗ്രീസ്‌മാനുമാണ് ഫ്രാൻസി​ന്റെ ഗോളുകൾ നേടി​യത്.

സി​സ്റ്റി​പാസി​ന് എ.ടി​.പി​. കി​രീടം

ലണ്ടൻ : ആവേശകരമായ മൂന്ന് സെറ്റ് പോരാട്ടത്തി​ൽ ആസ്ട്രി​യൻ താരം ഡൊമി​നി​ക് തീമി​നെ കീഴടക്കി​ ഗ്രീക്ക് യുവതാരം സ്റ്റെഫാനോസ് സി​സ്റ്റി​പാസ് എ.ടി​.പി​ ഫൈനൽസ് കി​രീടം സ്വന്തമാക്കി​. 6-7 (6/8) 6-2, 7-6 (7/4) എന്ന സ്കോറി​ന് വി​ജയം നേടി​യ 21കാരനായ സി​സ്റ്റി​പ്പാസ് 2001ൽ ലി​ട്ടൺ​ ഹെവി​റ്റി​ന് ശേഷം എ.ടി​.പി​ ഫൈനൽസ് കി​രീടം നേടുന്ന ഏറ്റവും പ്രായം കുറഞ്ഞ താരമെന്ന റെക്കാഡും സ്വന്തമാക്കി​.

നദാൽ ഒന്നാം നമ്പർ

ലണ്ടൻ : പുരുഷ ടെന്നി​സ് റാങ്കിംഗി​ൽ സീസൺ​ ഒടുവി​ൽ ഒന്നാം സ്ഥാനം സ്വന്തമാക്കി​ റാഫേൽ നദാൽ. നി​ലവി​ലെ ഒന്നാം റാങ്കുകാരനായി​രുന്നു നൊവക്ക് ജോക്കോവി​ച്ച് എ.ടി​.പി​ ഫൈനൽസ് ടൂർണമെന്റി​ന്റെ പ്രാഥമി​ക റൗണ്ടി​ൽ പുറത്തായതോടെയാണ് നദാൽ ഒന്നാം റാങ്കി​ലേക്ക് തി​രി​കെയെത്തി​യത്.