കണ്ണൂർ: പരിശീലനത്തിനിടെ നടുവിനേറ്റ പരിക്ക് വകവെക്കാതെ പോൾ കയ്യിലെടുത്ത അലൻ സീനിയർ ആൺകുട്ടികളുടെ പോൾവാട്ടിൽ ചാമ്പ്യനായി. 4.15മീറ്റർ താണ്ടിയായിരുന്നു സംസ്ഥാന സ്കൂൾ കായിക മേളയിലെ അലന്റെ ആദ്യ സുവർണ നേട്ടം. കോതമംഗലം മാ‌ബേസിലിലെ പ്ലസ് വൺ വിദ്യാർത്ഥിയായ അലന് പരിശീലനത്തിനിടെയാണ് പരിക്ക് പറ്റിയത്. മികച്ച ബെഡ് ഇല്ലാതിരുന്നതാണ് പരിക്കിന് കാരണം. രണ്ട് മാസത്തോളം വിശ്രമത്തിലായിരുന്ന താരം കൃത്യമായ പരിശീലനം ഇല്ലാതെയാണ് സംസ്ഥാന മീറ്റിനെത്തിയതും സ്വർണമണിഞ്ഞതും.

എ​റ​ണാ​കു​ളം പു​ത്തൻ​വേ​ലി​ക്കൽ, തി​രു​ത്തൂ​ർ കല്ല​റ​ക്കൽ വീട്ടിൽ കെ.ജെ ബി​ജു​വി​ന്റെ​യും ഷി​ജി​യു​ടെയും മ​ക​നാണ്. അ​ച്ഛ​ന് കോൺ​ട്രാ​ക്ട് ജോ​ലി​യാ​ണ്. 9ാം ക്ലാ​സ് വി​ദ്യാർത്ഥിയാ​യ ആ​ഷ്‌ലി ബി​ജു ആ​ണ് സ​ഹോ​ദരി.

നാ​ല് വർ​ഷ​മാ​യി അലൻ മാർ​ബേ​സി​ലിലാണ്. എട്ടാം ക്ലാസ് മുതൽ ഹർ​ഡിൽസിൽ മ​ത്സ​രി​ച്ചി​രു​ന്ന താ​രം ക​ഴി​ഞ്ഞ വർ​ഷമാണ് പോൾവാട്ടിലേക്ക് തിരിയുന്നത്. കഴിഞ്ഞ സംസ്ഥാ​ന കായികമേളയിൽ വെ​ള്ളിയും നേടി​യിരുന്നു. സി.ആർ മധുവിന്റെ കീഴിലാണ് പരിശീലനം. സ്വ​ന്ത​മാ​യി ഒ​രു പോൾ വാ​ങ്ങ​ണ​മെന്നും തു​ടർന്ന് മി​ക​ച്ച പ​രി​ശീല​നം നേ​ട​ണ​മെന്നും ആ​ഗ്രഹിക്കുന്ന താരത്തിന് നടുവിനേറ്റ പരിക്ക് വില്ലനാകുമോയെന്ന ആശങ്കയുമുണ്ട്.