കിളിമാനൂർ: ഡിസംബർ 1 മുതൽ 3 വരെ കിളിമാനൂരിൽ നടക്കുന്ന കർഷകസംഘം ജില്ലാസമ്മേളനത്തിന്റെ സ്വാ​ഗതസംഘം ഓഫീസ് തുറന്നു. കിളിമാനൂർ ടൗണിൽ പഴയകുന്നുമ്മേൽ പഞ്ചായത്ത് ബസ് സ്റ്റാൻഡിന് എതിർവശത്തായാണ് ഓഫീസുള്ളത്. ഓഫീസിന്റെ ഉദ്ഘാടനം കർഷകസംഘം ജില്ലാ സെക്രട്ടറി കെ.സി. വിക്രമൻ നിർവഹിച്ചു. ജില്ലാ പ്രസിഡന്റ് വി.എസ്. പത്മകുമാർ, ജില്ലാ ജോയിന്റ് സെക്രട്ടറി അഡ്വ. എസ്. ജയചന്ദ്രൻ, ഏരിയാ പ്രസിഡന്റ് ഡോ. കെ. വിജയൻ, ഏരിയാ സെക്രട്ടറി എസ്. ഹരിഹരൻപിള്ള, ആർ.കെ. ബൈജു തുടങ്ങിയവർ സംസാരിച്ചു.