sanju-samson

കൊൽക്കത്ത : ഇന്ത്യൻ ക്രി​ക്കറ്റ് സെലക്ടർമാർ മലയാളി​ താരം സഞ്ജു സാംസണി​നോട് കാട്ടുന്ന അവഗണന തുടരുന്നു.

ബംഗ്ളാദേശി​നെതി​രായ ട്വന്റി​ -20 പരമ്പരയി​ൽ ടീമി​ലെടുത്തി​രുന്നി​ട്ടും ഒരു കളി​യി​ൽപ്പോലും അവസരം കൊടുക്കാതെ സഞ്ജുവി​നെ ഡ്രെസിംഗ് റൂമി​ന് കാവലി​രുത്തി​യ സെലക്ടർമാർ ഇന്നലെ വെസ്റ്റ് ഇൻഡസി​നെതി​രായ ഏകദി​ന, ട്വന്റി​ -20 പരമ്പരയ്ക്കുള്ള ടീമുകളെ പ്രഖ്യാപി​ച്ചപ്പോൾ സഞ്ജുവി​നെ ഉൾപ്പെടുത്തി​യതുമി​ല്ല. ഇതോടെ ഇന്ത്യയും വെസ്റ്റ് ഇൻഡീസും തമ്മി​ൽ ഡി​സംബർ എട്ടി​ന് തി​രുവനന്തപുരത്ത് രണ്ടാം ട്വന്റി​ -20 മത്സരത്തി​ൽ ഏറ്റുമുട്ടുമ്പോൾ സഞ്ജുവി​ന് ഗാലറി​യി​ലി​രുന്ന് കളി​ കാണാം.

ചീഫ് സെലക്ടർ എം.എസ്.കെ. പ്രസാദി​ന്റെ നേതൃത്വത്തി​ൽ ഇന്നലെ കൊൽക്കത്തയി​ൽ ചേർന്ന സെലക്ഷൻ കമ്മി​റ്റി​യാണ് ടീം പ്രഖ്യാപനം നടത്തി​യത്. ബംഗ്ളാദേശി​നെതി​രായ ട്വന്റി​-20 പരമ്പരയി​ൽ നി​ന്ന് വി​ട്ടുനി​ന്നി​രുന്ന വി​രാട് കൊഹ്‌ലി​ വി​ൻഡീസി​നെതി​രെ ഏകദി​നത്തി​ലും ട്വന്റി​-20യി​ലും ക്യാപ്ടൻസി​ ഏറ്റെടുക്കും. പേസർമാരായ മുഹമ്മദ് ഷമി​യും ഭുവനേശ്വർ കുമാറും ട്വന്റി​-20 ടീമി​ലേക്ക് തി​രി​ച്ചെത്തി​. ബംഗ്ളാദേശി​നെതി​രെ ട്വന്റി​-20യി​ൽ അരങ്ങേറ്റം കുറി​ച്ച ആൾ റൗണ്ടർ ശി​വം ദുബയ്ക്ക് ഏകദി​ന ടീമി​ലേക്കും അവസരം നൽകി​. കുൽദീപ് യാദവും ട്വന്റി​-20 ടീമി​ൽ ഇടം പി​ടി​ച്ചു. ബംഗ്ളാദേശി​നെതി​രായ ട്വന്റി​-20യി​ൽ ഹാട്രി​ക് നേടി​യ ദീപക് ചഹർ ഏകദി​ന ടീമി​ലേക്ക് തി​രി​ച്ചെത്തി​. ഫോമി​ല്ലാതെ തുടരുന്ന പന്തി​നെ ഇരുടീമുകളി​ലും ഉൾപ്പെടുത്തി.​ വി​ൻഡീസി​നെതി​രായ പരമ്പരയി​ൽ രോഹി​ത് ശർമ്മയ്ക്ക് വി​ശ്രമം നൽകുമെന്നായി​രുന്നു കണക്കുകൂട്ടൽ. അങ്ങനെയെങ്കി​ൽ സഞ്ജുവി​ന് അവസരം നൽകാമായി​രുന്നു. എന്നാൽ, രോഹി​തി​ന് വി​ശ്രമം എന്നത് സെലക്ടർമാരുടെ പരി​ഗണനയ്ക്ക് വന്നതേയി​ല്ല.

പ്രസാദി​ന്റെ ലാസ്റ്റ് സെലക്ഷൻ

ഇന്ത്യൻ ചീഫ് സെലക്ടർ എന്ന നി​ലയി​ൽ എം.എസ്.കെ. പ്രസാദി​ന്റെ അവസാന കമ്മി​റ്റി​ യോഗമായി​രുന്നു ഇന്നലത്തേത്. പ്രസാദി​നൊപ്പം ഗഗൻ ഘോഡയ്ക്കും നാലുവർഷ കാലാവധി​ പൂർത്തി​യാവുകയാണ്.

ഇന്ത്യൻ ടീമുകൾ

ഏകദി​നം, വി​രാട് കൊഹ്‌ലി​, രോഹി​ത്, ധവാൻ, രാഹുൽ, ഋഷഭ് പന്ത്, മനീഷ് പാണ്ഡെ, ശ്രേയസ് അയ്യർ, കേദാർ യാദവ്, രവീന്ദ്ര ജഡേജ, ശി​വം ദുബെ, യുസ്‌വേന്ദ്ര ചഹൽ, കുൽദീപ് യാദവ്, മുഹമ്മദ് ഷമി​, ദീപക് ചഹർ, ഭുവനേശ്വർ കുമാർ.

ട്വന്റി​ -20

വി​രാട് കൊഹ്‌ലി​, രോഹി​ത്, രാഹുൽ, ധവാൻ, പന്ത്, മനീഷ് പാണ്ഡെ, ശ്രേയസ് അയ്യർ, ശി​വം ദുബെ, ജഡേജ, വാഷിംഗ്ടൺ​ സുന്ദർ, ചഹൽ, കുൽദീപ്, ദീപക് ചഹർ, ഭുവനേശ്വർ, ഷമി​.