മുടപുരം: മംഗലപുരം ഗ്രാമപഞ്ചായത്തിൽ ആർദ്രം മിഷന്റെ ഭാഗമായുള്ള യെല്ലോ ലൈൻ കാമ്പയിൻ ആരംഭിച്ചു. വിദ്യാഭ്യാസ സ്ഥാപനങ്ങളുടെ 100 വാരം അടുക്കൽ ലഹരിവസ്തുക്കൾ വിൽക്കുകയോ വിതരണം ചെയ്യുകയോ ഇല്ലെന്നു ഉറപ്പുവരുത്തുന്നതിനുള്ള മുന്നറിയിപ്പിന്റെ അടയാളമാണ് യെല്ലോ ലൈൻ. ഗ്രാമപഞ്ചായത്തിലെ മുഴുവൻ വിദ്യാഭ്യാസ സ്ഥാപനങ്ങളുടെ ഇരു വശങ്ങളിലും യെല്ലോ ലൈൻ അടയാളപ്പെടുത്തും. ഗ്രാമപഞ്ചായത്ത് പ്രസിഡന്റ് വേങ്ങോട് മധു ഇതിന്റെ ഉദ്‌ഘാടനം പാട്ടം എൽ.പി സ്കൂളിന് മുന്നിൽ നിർവഹിച്ചു. വൈസ് പ്രസിഡന്റ് സുമ ഇടവിളാകം, വികസനകാര്യ സ്റ്റാൻഡിംഗ് കമ്മിറ്റി ചെയർമാൻ മംഗലപുരം ഷാഫി, ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്‌സൺ എസ്. ജയ, പഞ്ചായത്ത് അംഗം വി. അജികുമാർ, മെഡിക്കൽ ഓഫീസർ ഡോ. മിനി. പി. മണി, അസിസ്റ്റന്റ് സെക്രട്ടറി സുഹാസ് ലാൽ, ഹെൽത്ത്‌ ഇൻസ്‌പെക്ടർ അഖിലേഷ്, ജൂനിയർ ഹെൽത്ത്‌ ഇൻസ്‌പെക്ടർ വികാസ്, പാട്ടം എൽ.പി.എസ് അദ്ധ്യാപിക ബീന പ്രദീപ്‌ തുടങ്ങിയവർ പങ്കെടുത്തു.