തിരുവനന്തപുരം: വെട്ടു​കാട് മാദ്രെ ദെ ദേവൂസ് ദേവാ​ലയ​ത്തിൽ പത്ത് ദിവ​സ​മായി നടന്ന ക്രിസ്തു​രാ​ജത്വ തിരുനാ​ൾ ഇന്നലെ സമാ​പി​ച്ചു. തിരുനാൾ സമാ​പ​നമായ ഇന്നലെ ക്രിസ്തു​രാജ പാദത്ത് സമൂ​ഹ​ദി​വ്യ​ബ​ലിയും, ദേവാ​ല​യ​ത്തിൽ തമിഴ് ദിവ്യ​ബ​ലിയും, സീറോ മല​ബാർ ക്രമ​ത്തി​ലുള്ള ​ദി​വ്യ​ബ​ലിയും നടന്നു. തുടർന്ന് തിരുനാൾ ദിവ്യ​ബ​ലിക്ക് ശേഷം ഭക്ത​ജ​ന​ങ്ങൾക്കായി ഒരു​ക്കിയ സ്‌നേഹ​വി​രു​ന്നിൽ അൻപ​തി​നാ​യി​ര​ത്തോളം പേർ പങ്കെടുത്തു. കുഞ്ഞു​ങ്ങൾക്കാ​യുള്ള ആദ്യ ചോറൂട്ടും നടന്നു. പൊന്തി​ഫി​ക്കൽ ദിവ്യ​ബ​ലിക്ക് തിരു​വ​ന​ന്ത​പുരം അതി​രൂ​പത മെത്രാ​പ്പൊ​ലീത്ത മോസ്റ്റ് ഡോ. സൂസ​പാക്യം മുഖ്യ​കാർമ്മി​കത്വം വഹി​ച്ചു. തുടർന്ന് നടന്ന ദിവ്യ​കാ​രുണ്യ പ്രദ​ക്ഷി​ണ​ത്തിൽ വൈദി​കരും കന്യാ​സ്ത്രീ​കളും, നൊവീ​ഷ്യേറ്റ്സും, സെമി​നാരി വിദ്യാർത്ഥി​കളും അക​മ്പ​ടി​യായി. 29ന് വൈകു​ന്നേ​രത്തെ ദിവ്യ​ബ​ലിക്ക് ശേഷം കൊടി​യി​റക്ക് കർമ്മം നടക്കും. അഞ്ച് ലക്ഷ​ത്തി​ല​ധികം ഭക്ത​ജ​ന​ങ്ങൾ വിവിധ ദിവ​സ​ങ്ങ​ളി​ലായി നടന്ന തിരു​കർമ്മ​ങ്ങ​ളിൽ പങ്കെ​ടു​ത്തതായി ഭാരവാഹികൾ പറഞ്ഞു.