നെടുമങ്ങാട് :നെടുമങ്ങാട് നിയോജക മണ്ഡലത്തിലെ തകർന്ന റോഡുകൾ നവീകരിക്കാൻ പി.ഡബ്ലിയു.ഡിയിൽ നിന്നും 2.50 കോടി രൂപ അനുവദിച്ചതായി സി.ദിവാകരൻ എം.എൽ.എ അറിയിച്ചു.നെടുമങ്ങാട് ഷൊർക്കോട് റോഡിൽ പതിനൊന്നാം കല്ല് മുതൽ കുളവിക്കോണം വരെയുള്ള ഭാഗങ്ങളിൽ ബിറ്റുമിൻ കോൺക്രീറ്റ് ചെയ്യുന്നതിന് 20 ലക്ഷം വെമ്പായം - നെടുമങ്ങാട് റോഡിൽ മഴക്കാലത്ത് സ്ഥിരമായി തകരുന്ന താന്നിമൂട്,ഇരിഞ്ചയം,മേലെതേക്കട ഭാഗങ്ങളിൽ ഇന്റർലോക്ക് ചെയ്യുന്നതിന് 25 ലക്ഷം,പഴയ രാജപാതയിൽ കല്ലമ്പാറ മുതൽ വാളിക്കോട് വരെയുള്ള ഭാഗം ബി.എം ആൻഡ് ബി.സി രീതിയിൽ പുനരുദ്ധരിക്കുന്നതിന് 1. 25കോടി, മോഹനപുരം - കല്ലൂർ റോഡ് നവീകരണത്തിന് 10 ലക്ഷം,വാവറമ്പലം - ശ്രീനാരായണപുരം റോഡ് നവീകരണത്തിന് 25ലക്ഷം,തിരുവള്ളൂർ കാരമൂട് റോഡിന് 25 ലക്ഷം, അമ്പലം വേങ്ങോട് റോഡിന് 20 ലക്ഷം എന്നിങ്ങനെയാണ് തുക അനുവദിച്ചത്.