കായംകുളം : കടയ്ക്കു മുന്നിൽ നിന്നവരുടെ ഇടയിലേക്ക് കാർ ഇടിച്ചുകയറി ഒരാൾ മരിച്ചു. മൂന്ന് പേർക്ക് പരിക്കേറ്റു. ശബരിമല ദർശനം കഴിഞ്ഞ് മടങ്ങിയവർ സഞ്ചരിച്ച കാറാണ് അപകടമുണ്ടാക്കിയത്.

കായംകുളം ഐക്യ ജംഗ്ഷൻ കളത്തൂർ തറയിൽ അബ്ദുൾ ലത്തീഫ് ( 60 ) ആണ് മരിച്ചത്. വെള്ളാലയ്യത്ത് സൽമാൻ (20), കൊച്ചിയുടെ ജെട്ടി തിരുവന പുതുവേലിൽ ഉഷ ( (38), കീരിക്കാട് തെക്ക് തണ്ടത്ത് വിജയപ്രസാദ് (55) എന്നിവർക്കാണ് പരിക്കേറ്റത്. ലത്തീഫിന്റെ മകൾ ഹസീന ജോലി ചെയ്യുന്ന ഐക്യ ജംഗ്ഷനിലെ ബിസ്മി മെഡിക്കൽസിനു മുന്നിൽ ഇന്നലെ ഉച്ചയ്ക്കായിരുന്നു അപകടം. മകളെ കാണാൻ വന്നപ്പോഴാണ് ലത്തീഫ് അപകടത്തിൽപ്പെട്ടത്. പുല്ലുകുളങ്ങര സ്വദേശികളാണ് കാറിലുണ്ടായിരുന്നത്. ഡ്രൈവർ ഉറങ്ങിപ്പോയതാണ് അപകട കാരണമെന്ന് കരുതുന്നു. ലത്തീഫിന്റെ ഭാര്യ : കുഞ്ഞുമോൾ. മക്കൾ: ലസീജ, ഹസീന , ഹുസൈൻ (പൊടിമോൻ). മരുമക്കൾ: ത്വൽഹത്ത് (ഗ്ലോബൽ എഡ്യൂമാർട്ട് ,കായംകുളം) , ഷാമോൻ (സൗദി).