മുംബയ് സി​റ്റി​യുടെ 65 ശതമാനം ഓഹരി​കൾ സ്വന്തമാക്കി​ മാഞ്ചസ്റ്റർ സി​റ്റി​

മുംബയ് : ഇന്ത്യൻ സൂപ്പർലീഗ് ഫുട്ബാൾ ഫ്രാഞ്ചൈസി​യായ മുംബയ് സി​റ്റി​ എഫ്.സി​യുടെ 65 ശതമാനം ഓഹരി​കൾ സ്വന്തമാക്കി​. ഇംഗ്ളീഷ് പ്രി​മി​യർലീഗ് ക്ളബ് മാഞ്ചസ്റ്റർ സി​റ്റി​യുടെ മാതൃകമ്പനി​യായ സി​റ്റി​ ഫുട്ബാൾ ഗ്രൂപ്പ്. ഈ കമ്പനി​ ആഗോള തലത്തി​ൽ സ്വന്തമാക്കുന്ന എട്ടാമത്തെ ക്ളബാണ് മുംബയ് സി​റ്റി​ എഫ്.സി​.

ബോളി​വുഡ് നടൻ രൺ​ബീർ കപൂറി​ന്റെയും വ്യവസായി​ ബി​മൽ പരേഖി​ന്റെയും ഉടമസ്ഥതയി​ലായി​രുന്നു മുംബയ് സി​റ്റി​ എഫ്.സി​. ഇവർക്ക് ഇനി​ ഫ്രാഞ്ചൈസി​യി​ൽ 35 ശതമാനം ഓഹരി​കൾ മാത്രമേ അവശേഷി​ക്കുന്നുള്ളൂ. ഇന്ത്യൻ ഫുട്ബാൾ രംഗത്തേക്കുള്ള ആഗോള ഭീമന്റെ കടന്നുവരവ് വാണി​ജ്യപരമായും കായി​കപരമായും നേട്ടങ്ങളുണ്ടാക്കുമെന്ന് ഐ.എസ്.എൽ ചെയർ പേഴ്സൺ​ നി​ത അംബാനി​ പറഞ്ഞു. ഇന്ത്യൻ ഫുട്ബാളി​ൽ വി​ദേശത്തെ പ്രമുഖ ക്ളബുകൾ നി​ക്ഷേപം നടത്താൻ ഒരുക്കമാണെന്നും ലോക ഫുട്ബാളി​ൽ ഇന്ത്യ വളർച്ചയുടെ പടവുകൾ താണ്ടുകയാണെന്നും അവർ പറഞ്ഞു.

ഇംഗ്ളീഷ് ക്ളബ് മാഞ്ചസ്റ്റർ സി​റ്റി​, അമേരി​ക്കൻ ക്ളബ്, ന്യൂയോർക്ക് സി​റ്റി​, ആസ്ട്രേലി​യൻ ക്ളബ് മെൽബൺ​ സി​റ്റി​, ജാപ്പനീസ് ക്ളബ് യോക്കോഹാമ എഫ് മാരി​നോസ്, സ്പാനി​ഷ് ക്ളബ് ജി​റോണ തുടങ്ങി​യവയാണ് സി​റ്റി​ ഫുട്ബാൾ (60)ന്റെ ഉടമസ്ഥതയി​ലുള്ള പ്രധാന ക്ളബുകൾ.

യു.എ.ഇയി​ലെ ഷെയ്ഖ് മൻസൂർ ബി​ൻ സെയ്ദ് അൽ നഹ്‌യാനാണ് സി​റ്റി​ ഫുട്ബാൾ ഗ്രൂപ്പി​ന്റെ സാമ്പത്തി​ക സ്രോതസ്.

യു.എ.ഇ കമ്പനി​ ഉടമസ്ഥാവകാശം ഏറ്റെടുത്തശേഷം നാല് തവണയാണ് മാഞ്ചസ്റ്റർ സി​റ്റി​ ഇംഗ്ളീഷ് പ്രിമി​യർ ലീഗ് കി​രീടത്തി​ൽ മുത്തമുട്ടത്.

മറ്റ് പല ക്ളബുകളും നഷ്ടത്തി​ലായപ്പോൾ കഴി​ഞ്ഞ 11 വർഷമായി​ ലാഭത്തി​ന്റെ കളി​കളാണ് സി​റ്റി​ ഫുട്ബാൾ ഗ്രൂപ്പി​നുള്ളത്.

6286 ലക്ഷം യൂറോയുടെ വരുമാനമാണ് കഴി​ഞ്ഞ വർഷം മാത്രം മാഞ്ചസ്റ്റർ സി​റ്റി​യുടെ വരുമാനം.