വക്കം: വക്കം ഗ്രാമ പഞ്ചായത്തിലെ പത്താം വാർഡിലെ കുന്നുവിള കോളനിയിലേക്കുള്ള നടപ്പാത നിർമ്മാണം എങ്ങും എത്തിയില്ല. വഴിയിലെ പടികൾ ഇടിച്ച് കോൺക്രീറ്റ് നടപ്പാത നിർമ്മിക്കുന്നതിന് 2.56 ലക്ഷം രൂപയാണ് ഗ്രാമപഞ്ചായത്ത് അനുവദിച്ചത്. 25 ൽ പരം കുടുംബങ്ങൾ താമസിക്കുന്ന ഇവിടെ ഒരാളുടെ എതിർപ്പ് മൂലമാണ് പണികൾ ആരംഭിക്കാൻ കഴിയാതെ വന്നിരിക്കുന്നത്. വാർഡ് മെമ്പർ അടക്കമുള്ള ബന്ധപ്പെട്ടവരുടെ ഇടപെടൽ അടിയന്തരമായി ഉണ്ടാകണമെന്നാണ് നാട്ടുകാരുടെ ആവശ്യം. മാർച്ചിന് മുൻപ് പണികൾ പൂർത്തിയായില്ലെങ്കിൽ തുക ലാപ്സാകുമെന്നും പറയുന്നു.