 ഇരുചക്രവാഹനങ്ങളിലെ പിൻസീറ്റ് യാത്രക്കാർക്കും ഇന്നു മുതൽ ഹെൽമറ്റ് നിർബന്ധം

 നിർദ്ദേശം ലംഘിച്ചാൽ ഉടമയിൽനിന്ന് 500 രൂപ പിഴ ഈടാക്കും.

 ആവർത്തിച്ചാൽ 1000 രൂപ പിഴ. നിയമലംഘനം തുടർന്നാൽ ലൈസൻസ് സസ്‌പെൻഡ് ചെയ്യും.

 നാല് വയസിന് മുകളിലുള്ള പിൻസീറ്റ് യാത്രക്കാർക്ക് ഹെൽമറ്റ് നിർബന്ധം

 ഗുണമേന്മയില്ലാത്ത ഹെൽമറ്റ് ധരിക്കുന്നവർക്കും ചിൻസ്ട്രാപ്പുപയോഗിക്കാത്തവർക്കുമെതിരെ നിയമനടപടി.

 വ്യവസായശാലകളിലുപയോഗിക്കുന്ന തരത്തിലുള്ള ഹെൽമറ്റ് ഉപയോഗിക്കരുത്.

 ആഗസ്റ്റ് 9 മുതൽ നടപ്പാക്കിയ സംവിധാനത്തിൽ ഇളവ് അനുവദിക്കാനാവില്ലെന്ന ഹൈക്കോടതി ഉത്തരവിനെ തുടർന്നാണ് നടപടി.

 തടയാൻ 85 സ്‌ക്വാഡുൾ, ഹൈവേകളിൽ 240 ഹൈസ്‌പീഡ് കാമറകൾ.

 റോഡിൽ ചാടിവീണ് വാഹനം പിടിക്കരുത്

 തലയ്ക്ക് പരിക്കേൽക്കാത്ത വിധം സംരക്ഷണം നൽകുന്ന ഹെൽമറ്റ് ധരിക്കണം.

 പിഴത്തുക അടയ്ക്കാത്തവരെ 'വാഹൻ' സോഫ്‌വെയർ ഉപയോഗിച്ച് വിലക്കേർപ്പെടുത്തും.

 പിഴ അടച്ചാലേ രാജ്യത്തെവിടെയും വാഹനത്തിന് സേവനങ്ങൾ ലഭ്യമാകൂ.

 പരിശോധന കാരണം ഹെൽമറ്റുകൾക്ക് വില 200 രൂപവരെ കൂടി

 കുട്ടികൾക്ക് ഉപയോഗിക്കാവുന്ന ഹെൽമറ്റുകൾ കിട്ടാനില്ല

 2018ൽ സംസ്ഥാനത്ത് റോഡപകടങ്ങളിൽ മരിച്ചത് 4,303 ബൈക്ക് യാത്രക്കാർ
 45,458 പേർക്ക് പരിക്കേറ്റു.

 2019 ഇൗവർഷം ഇതുവരെ മരണം 1,643

 പരിക്കേറ്റവർ - 14294. ഇതിൽ ഗുരുതരമായി പരിക്കേറ്റവർ - 1,581

 അമിതവേഗം കാരണം സംസ്ഥാനത്ത് ദിനംപ്രതിയുണ്ടാകുന്ന മരണം - 11