കിളിമാനൂർ: കേരള കർഷകസംഘം 26​-ാമത് ജില്ലാ സമ്മേളനത്തിന് തുടക്കമായി. സ്വാ​ഗതസംഘം ചെയർമാൻ അഡ്വ. എസ്. ജയചന്ദ്രൻ പൊതുസമ്മേളന ന​ഗറിൽ പതാക ഉയർത്തിയതോടെയാണ് സമ്മേളനത്തിന് ഔദ്യോ​ഗിക തുടക്കമായത്. ഇന്ന് രാവിലെ 9ന് പ്രതിനിധി സമ്മേളനം ചെറുന്നിയൂർ കൃഷ്ണൻകുട്ടി ന​ഗറിൽ (ശ്രീലക്ഷ്മി ആഡിറ്റോറിയം) കർഷകസംഘം സംസ്ഥാന സെക്രട്ടറി കെ.വി. രാമകൃഷ്ണൻ ഉദ്ഘാടനം ചെയ്യും. മന്ത്രി കടകംപള്ളി സുരേന്ദ്രൻ, കർഷകസംഘം സംസ്ഥാന പ്രസിഡന്റ് കോലിയക്കോട് എൻ. കൃഷ്ണൻനായർ, എം. വിജയകുമാർ, വി. ശിവൻകുട്ടി, ഓമല്ലൂർ ശങ്കരൻ, ​ഗോപി കോട്ടമുറിക്കൽ, അഡ്വ. എസ്.കെ. പ്രീജ, കെ.സി. വിക്രമൻ തുടങ്ങിയവർ സംസാരിക്കും. പ്രതിനിധി സമ്മേളനം നാളെയും തുടരും. പ്രതിനിധി സമ്മേളന ന​ഗറിൽ ഉയർത്താനുള്ള പതാക കാഞ്ഞിരംകുളം സുരേഷിന്റെ സ്മൃതിമണ്ഡപത്തിൽ നിന്ന് വി.എസ്. പത്മകുമാർ ഉദ്ഘാടനം ചെയ്ത് എം.എം. ബഷീർ, ആർ. ബാലചന്ദ്രൻ നായർ എന്നിവരുടെ നേതൃത്വത്തിൽ സമ്മേളന ന​ഗറിൽ എത്തിച്ചു. പൊതു സമ്മേളന ന​ഗറിൽ ഉയർത്താനുള്ള പതാക ചെറുന്നിയൂർ കൃഷ്ണൻകുട്ടിയുടെ സ്മൃതിമണ്ഡപത്തിൽ കെ.സി. വിക്രമൻ ഉദ്ഘാടനം ചെയ്ത് അഡ്വ. ആർ. രാജ്‌മോഹൻ, വി. സുനീർ എന്നിവരുടെ നേതൃത്വത്തിൽ സമ്മേളന ന​ഗറിലെത്തിച്ചു. ഇരു പതാകകളും സംസ്ഥാന സെക്രട്ടറി കെ.വി. രാമകൃഷ്ണൻ, ട്രഷറർ ​ഗോപി കോട്ടമുറിക്കൽ എന്നിവർ ചേർന്ന് ഏറ്റുവാങ്ങി. കരവാരം ശ്രീകണ്ഠക്കുറുപ്പിന്റെ സ്മൃതിമണ്ഡപത്തിൽ നിന്ന് കൊടിമര ജാഥ ഡി.കെ. മുരളി ഉദ്ഘാടനം ചെയ്ത് അഡ്വ. കെ. വിജയൻ, എസ്. മധുസൂദനക്കുറുപ്പ് എന്നിവരുടെ നേതൃത്വത്തിൽ സമ്മേളന ​നഗറിൽ കൊണ്ടുവന്നു. കൊടിമരങ്ങൾ വി. ജോയി എം.എൽ.എ, എസ്.കെ. പ്രീജ എന്നിവർ ചേർന്ന് ഏറ്റുവാങ്ങി. ഒപ്പം കിളിമാനൂർ ഏരിയയിലെ കർഷകസംഘത്തിന്റെ 12 വില്ലേജ് കമ്മിറ്റികളിൽ നിന്നുള്ള ദീപശിഖകളും സമ്മേളന ന​ഗറിൽ സം​ഗമിച്ചു.