കൽപ്പറ്റ: കൽപ്പറ്റ നഗരസഭയുടെ പി എം എ വൈ ലൈഫ് പദ്ധതിയുടെയും അംഗീകാർ ക്യാമ്പിന്റെയും ഭാഗമായി സ്‌കൂൾ വിദ്യാർത്ഥികൾക്കായി ടൗൺ ഹാളിൽ ഒരുക്കിയ ചിത്രരചനാ മത്സരവും ക്വിസ് മത്സരവും നഗരസഭ ചെയർപേഴ്‌സൺ സനിത ജഗദീഷ് ഉദ്ഘാടനം ചെയ്തു. ഹരിത ഭവന പദ്ധതിയെക്കുറിച്ച് കുട്ടികളെ ബോധവത്കരിക്കാൻ ലക്ഷ്യമിട്ടായിരുന്നു മത്സരം. ശുചിത്വ സുന്ദര ഹരിത ഭവനം എന്നതായിരുന്നു ചിത്രരചനയുടെയും ക്വിസ് മൽസരത്തിന്റെയും വിഷയം. നഗരത്തിലെ പതിനൊന്ന് സ്‌കൂളുകളിൽ നിന്നായി 46 കുട്ടികൾ പങ്കെടുത്തു. കുട്ടികളുടെ ഭാവനയിൽ ഹരിതഭവനങ്ങളുടെ മാതൃകകൾ വിരിഞ്ഞു.
ചടങ്ങിൽ നഗരസഭ കൗൺസിലർമാരായ വി.ഹാരിസ്, വി.എം.റഷീദ്, പി എം എ വൈ പദ്ധതി കോ ഓർഡിനേറ്റർ അബ്ദുൾ നവാസ്, എം.എസ്. രമ്യ, പി.ജാബിർ, എസ്.നിത്യ എന്നിവർ സംസാരിച്ചു.