തിരുനെല്ലി: ബൈക്കും ടിപ്പർ ലോറിയു കൂട്ടിയിടിച്ച് രണ്ട് പേർക്ക് പരിക്കേറ്റു.തിരുനെല്ലി ചേകാടി ശ്രീമംഗലം കോട്ടമൂല രഞ്ജിത്ത് (22), രോഹിത്ത് (20) എന്നിവർക്കാണ് പരിക്കേറ്റത്. തുടർന്ന് ജില്ലാആശുപത്രിയിൽ പ്രവേശിപ്പിച്ച ഇവരെ വിദഗ്ധ ചികിത്സാർത്ഥം കോഴിക്കോട് മെഡിക്കൽ കോളേജിലേക്ക് റഫർ ചെയ്തു.തോൽപ്പെട്ടി നായ്ക്കട്ടി പാലത്തിന് സമീപംവെച്ച് ഇവർ സഞ്ചരിച്ച ബൈക്കും എതിരേ വരുന്ന ടിപ്പറും തമ്മിൽ ഇടിക്കുകയായിരുന്നു.ഇന്നലെ രാവിലെ 11 മണിയോടെയായിരുന്നു അപകടം. വയറിംഗ് ജോലിക്കാരായ ഇരുവരും കുടകിലേക്ക് പണിക്ക് പോകുന്ന വഴിയായിരുന്നു അപകടം.