ആലപ്പുഴ : വ്യാപാരികളെ ദ്രോഹിക്കുന്ന സമീപനം സർക്കാർ സ്വീകരിച്ചിട്ടില്ലെന്ന് മന്ത്രി ഡോ. ടി.എം.തോമസ് ഐസക് പറഞ്ഞു. ആൾ കേരള ഗോൾഡ് ആൻഡ് സിൽവർ മർച്ചന്റ് സ് അസോസിയേഷൻ സംസ്ഥാന കമ്മിറ്റിയുടെ നേതൃത്വത്തിൽ സംഘടിപ്പിച്ച പി.സി.നടേശൻ അനുസ്മരണം ഉദ്ഘാടപന ചെയ്യുകയായിരുന്നു മന്ത്രി. വ്യാപാരികൾക്ക് ജി.എസ്.ടിയുമായി ബന്ധപെട്ട് ലഭിച്ചിട്ടുള്ള നോട്ടീസുകൾ കമ്പ്യൂട്ടർ രേഖകളുടെ പരിശോധനയിൽ നിന്ന് ലഭിച്ച വിവരങ്ങളുടെ അടിസ്ഥാനത്തിലാണെന്നും തോമസ് ഐസക് പറഞ്ഞു. മന്ത്രി പി.തിലോത്തമൻ അനുസ്മരണ പ്രഭാഷണം നടത്തി . സംസ്ഥാന പ്രസിഡന്റ് ജസ്റ്റിൻ പാലത്ര അദ്ധ്യക്ഷത വഹിച്ചു. എ.എം.ആരിഫ് എം.പി., ഷാനിമോൾ ഉസ്മാൻ എം.എൽ.എ, വ്യാപാരി വ്യവസായി ഏകോപനസമിതി സംസ്ഥാന ജനറൽ സെക്രട്ടറി രാജു അപ്സര എന്നിവർ അനുസ്മരണ പ്രഭാഷണം നടത്തി. വർക്കിംഗ് ജനറൽ സെക്രട്ടറി രാജൻ ജെ.തോപ്പിൽ, ട്രഷറർ പി.വി.തോമസ്, അബ്ദുൾ കരിം ഹാജി, പി.കെ.അയ്മു ഹാജി, കോടോത്ത് അശോകൻ നായർ, എബി പാലത്ര തുടങ്ങിയവർ പങ്കെടുത്തു.