ഹരിപ്പാട്: മുട്ടം ശ്രീരാമകൃഷ്ണാശ്രമത്തിന്റെ ആഭിമുഖ്യത്തിൽ ആലുംമൂട്ടിൽ എ.പി ചെല്ലമ്മ ചാന്നാട്ടിയുടെ 43ാമത് ചരമ വാർഷികാചരണം നടന്നു. അനുസ്മരണ സമ്മേളനം ചെല്ലമ്മ ചാന്നാട്ടിയുടെ മകൻ എം. രാധാകൃഷ്ണൻ ചാന്നാർ ഉദ്ഘാടനം ചെയ്തു. പ്രസിഡന്റ്‌ ബി. നടരാജൻ അധ്യക്ഷനായി. ആശ്രമ മഠാധിപതി സ്വാമി സുഖാകാശ സരസ്വതി അനുഗ്രഹ പ്രഭാഷണം നടത്തി. എസ്. എൻ. ഡി. പി യോഗം മുൻ ഡയറക്ടർ ബോർഡ്‌ അംഗം മുട്ടം ബാബു മുഖ്യ പ്രഭാഷണം നടത്തി. ചെല്ലമ്മ ചാന്നാട്ടിയുടെ ചെറുമക്കൾ മാലിനി, നവോമിക എന്നിവർ പാദുക പലക സമർപ്പണം നിർവഹിച്ചു. വി. നന്ദകുമാർ സ്വാഗതവും ഗോവിന്ദാലയം ഗോപാലകൃഷ്ണൻ നന്ദിയും പറഞ്ഞു.