ചേർത്തല: വൈക്കം ചെമ്മനത്ത് ശ്രീകൃഷ്ണസ്വാമി ക്ഷേത്രത്തിൽ 12 മുതൽ 22 വരെ നടക്കുന്ന 37-ാ മത് അഖിലഭാരത ഭാഗവത സത്രത്തിന്റെ വേദിയിൽ പ്രതിഷ്ഠിക്കാനുളള വിഗ്രഹം വഹിക്കുന്ന ചൈതന്യ രഥ ഘോഷയാത്രയ്ക്ക് ഇന്ന് ചേർത്തലയിലെ വിവിധ ക്ഷേത്രങ്ങളിൽ ഭക്തിനിർഭരമായ സ്വീകരണം നൽകും.

കഴിഞ്ഞ 28നാണ് ഗുരുവായൂർ ക്ഷേത്രത്തിൽ നിന്ന് രഥയാത്ര പുറപ്പെട്ടത്. വ്യാഴാഴ്ചയാണ് ജില്ലയിൽ പ്രവേശിച്ചു. മുല്ലയ്ക്കൽ രാജരാജേശ്വരീക്ഷേത്രം, ഇരട്ടക്കുളങ്ങര മഹാദേവക്ഷേത്രം തുടങ്ങി ഇരുപതോളം ക്ഷേത്രങ്ങളിൽ രഥയാത്രയ്ക്ക് സ്വീകരണം നൽകി. ഇന്ന് രാവിലെ 7ന് മാരാരിക്കുളം മഹാദേവക്ഷേത്രം, 7.30ന് കണിച്ചുകുളങ്ങര ദേവീ ക്ഷേത്രം,തുടർന്ന് തിരുവിഴ മഹാദേവക്ഷേത്രം, കു​റ്റവേലി ദുർഗ്ഗാക്ഷേത്രം, ചെറുവാരണം ശ്രീനാരായണപുരം (പുത്തനമ്പലം),അയ്യപ്പഞ്ചേരി ധർമ്മശാസ്താ ക്ഷേത്രം, മരുത്തോർവട്ടം ധന്വന്തരി ക്ഷേത്രം,ചേർത്തല കാർത്ത്യായനീ ദേവീക്ഷേത്രം,വേളോർവട്ടം മഹാദേവക്ഷേത്രം,കണ്ടമംഗലം ആറാട്ടുകുളം വിനായക ക്ഷേത്രം,പടിഞ്ഞാറെകൊട്ടാരം ധർമ്മശാസ്താ ക്ഷേത്രം,കണ്ടംമംഗംലം രാജരാജേശ്വരി ക്ഷേത്രം, ഉഴുവ പുതിയകാവ് ദേവീക്ഷേത്രം, നീലിമംഗലം രാജരാജേശ്വരി ക്ഷേത്രം, പട്ടണക്കാട് മഹാദേവക്ഷേത്രം,തുറവൂർ മഹാദേവക്ഷേത്രം എന്നിവിടങ്ങളിലാണ് രഥയാത്ര എത്തുന്നത്. 12ന് സത്രവേദിയായ ചെമ്മനത്ത് ശ്രീകൃഷ്ണസ്വാമി ക്ഷേത്രത്തിൽ എത്തിച്ചേരും.